Esai 5:10 - Sră Goh 2018

¹⁰ Dô nơm suơn ño jơt lồ, mìng pat geh dô thùng tơrnòm ño; dô ôme gar sih; mìng toès geh dô epha kòi.”

Esai 5:10 ပူးပေါင်းရင်းမြစ်များ

Lik Ejiptơ 37:22

Ală sơmbut mơ ală ntê gơtòmđềt bal dô bă mơ jơng đèng, lơh gơs mơ màh ngan klơn lơho.

Esai 32:13

Bơh ù tiah làng bol Añ jê gơs tòm lò mơ lò mrơt hòn dờng; ơi, bơh jơh ală hìu chò hòp mơ tòm ƀòn dờng hòn chò.

Esai 7:23

Tòm ngai hơ̆, kòp bă tiah lơi gơs dô rbô tòm ño kas ndròm mơ dô rbô sieklơ priă, rơp gơlik gơs lò mrơt mơ tòm lò.

Jeremi 48:33

Bơta chò hòp mơ hòn chò tă ngài, Tòm sre mơ ù tiah niam Môap dê; Añ neh pơndut tơrnòm bơh cơnòng pat ño; Bol khai rơp ò driau chò mơ pat ño tai; Bơta driau dờng bol khai dê ò di la driau chò.

Jôel 1:17

Gar sơntìl neh ro hơđơm ù. Ală đam jàr neh gơpừ tơrlah, ală hìu đam neh lề lac, bơh kòi mbo neh jơh hir rau.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Lebi 27:16

Dilah dô nă cau ơn Yàng Jehôwa in dô pơnah ù tiah hìu nhă khai dê, bơta kas màng ù tiah hơ̆ rơp geh lơh nền jat be ntum khà sieklơ kòi gar pal gơs tơl nàng sih tòm ù hơ̆, pram jơt sieklơ priă dô hômer gar kòi tràng.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Sră Age 2:16

gen ală bơta gơlik gơs mbe lơi? Tòm tŭ dô nă cau tus di dô lŏ sre pal toès geh bàr jơt sah, mơya geh mìng jơt sah. Tòm tŭ dô nă cau tus di tiah pat tơrnòm ño nàng ai pram jơt yang, mơya gơs mìng bàr jơt yang lơm.

Yal Wơl 28:38

Bol mê rơp sih oă gar kòi tòm ƀlàng sre mơya bol mê rơp toès mìng dô êt lơm tài bơh ală srah nting rơp sa loan gơ.

Yal Wơl 28:39

Bol mê rơp tam ală suơn ño mơ sền gàr gơ mơya bol mê rơp ò ñô hala pic plai ño, tài bơh ală tu rơp sa gơ.