Esai 48:8 - Sră Goh 2018

⁸ Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Esai 48:8 ပူးပေါင်းရင်းမြစ်များ

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Đơs Crih 58:3

Cau iơh bơsak tìs nrah bơh tòm hìu kòn, Bol khai đơs blac mơ lòt tìs nrah bơh tòm tŭ pa deh.

Esai 21:2

Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 46:8

Ơ ală cau jak tòmdră, kah tĕ bơta hơ̆, ơn tĕ tòm dơngoh jak, prap tĕ tòm nùs.

Esai 47:11

Mơya bơta iơh rơp tus mơ ai, mơ ai rơp ò rgơi ting bơtrơh gơ. Dô bơta bòl glar rơp dùh hơđang ai, mơ ai ò geh pleh klàs kơnòm di phan tơwài; dô bơta tơnroh rơp tus hơđang ai nisơna la bơta ai ò git.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Esai 48:7

Ală bơta hơ̆ pa geh crơng gơs, ò di neh gơs bơh yau òr; lài mơ ngai do mê òhềt kơno bơh bơta hơ̆. Behơ̆, bol mê ò rgơi đơs lah: ‘Ơi, añ neh git bơh ală bơta hơ̆ rau.’

Esai 50:5

Yàng Jehôwa la Yàng Tom Trồ neh pò tồr Añ, Añ ò gam tòmdră, Añ neh ò ruc wơl.

Esai 57:4

Bol mê sền òsơp di ñcau taih? Bol mê hel lơmpiat dơñŏ tơnhial di ñcau taih? Bol mê ò di la jơi bơtiàn cau jak tòmdră, kòn sau ală cau đơs blac ò ơ?

Jeremi 3:20

Mơya, ơ cau Israel, Ngan kung be dô nă cau ùr ò dòn song sang lòi bau klau be lơi, Gen bol mê kung ò dòn song mơ Añ behơ̆ sơl.’” Yàng Jehôwa đơs behơ̆.

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Sră Ôse 7:9

Ală làng bol lơgar bơdìh neh sa loan bơta pràn khai dê, mơya khai ò git bơta hơ̆. Sŏ khai rơp sơntòm kò, mơ khai ò git.

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 31:18

Tòm ngai hơ̆ ngan Añ rơp pồn mat Añ jê tài bơh jơh ală bơta tồi glài iơh bơsak tòm bơta wèt mat hơ ală yàng ndai.