Esai 48:6 - Sră Goh 2018

⁶ Bol mê neh kơno ală bơta do; rmê sền tĕ di jơh ală bơta hơ̆, mơ bol mê rơp ò yal wơl ơ? Bơh do jơl hìng nau, Añ rơp yal bol mê in ală bơta pa, ală bơta pồn ndơp mơ bol mê òhềt git.

Esai 48:6 ပူးပေါင်းရင်းမြစ်များ

Đơs Crih 107:43

Cau lơi jak chài gen kơlôi sơnơng tĕ di ală bơta hơ̆, Mơ kơlôi sơnơng bơh bơta kòñ gơboh kơ̆ dơn Yàng Jehôwa dê.

Đơs Crih 119:13

Añ ai sơndồi añ yal loh jơh ală jơnau gơnoar sồr Yàng neh tơlik.

Esai 21:10

Ơ cau neh kong pơrjòt mơ cau tòmpơr kòi tòm làn añ jê, bơta añ neh kơno bơh Yàng Jehôwa Gơnap Gơnoar Dờng, la Yàng Tom Trồ Israel dê, añ neh yal tơnggit bol mê in rau.

Esai 42:20

Mê neh gŏ oă bơta, mơya ò sền sơwì dô êt lơi; mê gơs trồm tồr àng loh, mơya mê ò kơno dô êt lơi.

Esai 42:8

Añ la Yàng Jehôwa; hơ̆ la sơnđan Añ! Añ ò lòi bơta gơklŏ Añ jê cau ndai in, kung ò ai bơta jòng ro Añ jê ală rùp ràk in.

Esai 42:9

Sền ne, ală bơta yau neh gơlik gơs rau, mơ Añ yal tơnggit ală bơta pa; Añ yal tơnggit bol mê in lài mơ tŭ gơ gơlik tus.”

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Esai 48:7

Ală bơta hơ̆ pa geh crơng gơs, ò di neh gơs bơh yau òr; lài mơ ngai do mê òhềt kơno bơh bơta hơ̆. Behơ̆, bol mê ò rgơi đơs lah: ‘Ơi, añ neh git bơh ală bơta hơ̆ rau.’

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Mice 6:9

Ơm iat tĕ! Jơnau Yàng Jehôwa hòi driau tòm ƀòn dờng, hơ̆ la cau jak chài pal duh rngòt dê sơnđan Kơnràñ. Ơ jơi bơtiàn mơ mpồl jơnum ơm tòm ƀòn dờng!

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.

Yal Tơlik 4:1

Tơnơ̆ mơ hơ̆ añ sền gŏ, ne, dô nơm mpồng pò hơđang trồ, mơ jơnau añ neh kơno bơh sơnròp đơs mơ añ be ntas kơlwòk, jơnau hơ̆ đơs mơ añ lah: “Guh tĕ hơ do, Añ rơp sơnio mê in ală bơta pal gơlik tus tơnơ̆.”