Esai 48:4 - Sră Goh 2018

⁴ Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Esai 48:4 ပူးပေါင်းရင်းမြစ်များ

II Ală Bơtau 17:14

Mơya bol khai ò bài iat, bol khai kư̆ kơldang bồ, be ală ồng pàng bol khai dê ò dòn di Jehôwa Yàng Tom Trồ bol khai dê.

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Nehemi 9:28

Mơya tòm tŭ bol khai neh geh bơta ring lơngai rau, gen bol khai neh lơh wơl ală bơta iơh bơsak di đap Kơnràñ, gen tàng Yàng neh phi bol khai tòm tê cau sò tơm nàng cau sò tơm at bồ bol khai. Mơya tòm tŭ bol khai neh rac dan mơ Kơnràñ gen Kơnràñ neh kơno bơh đang trồ, mơ tài bơh nùs kòñ nđàc Kơnràñ dê gen Kơnràñ neh dong klàs bol khai oă dơ̆.

Đơs Crih 75:5

Bañ pò ngke mê dê wèt hơ đah jơnhoa, Mơ kung bañ kơldang bồ mơ đơs dô bă sơrdă sơrdơu.”

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Lik Ejiptơ 32:9

Yàng Jehôwa kung đơs mơ Môise lah: “Añ neh gŏ làng bol do la dô nơm làng bol kơldang bồ.

Lik Ejiptơ 33:3

Guh tĕ tus tòm lơgar bềng lìu dà toh mơ dà lơwe. Mơya Añ ò lòt bal mơ bol mê, bơh bol mê la dô nơm làng bol kơldang bồ, rngòt Añ rơp tơnroh bol mê rò gùng mòn!”

Lik Ejiptơ 33:5

Bơh Yàng Jehôwa neh đơs mơ Môise lah: “Đơs tĕ mơ cau Israel lah: ‘Bol mê la làng bol kơldang bồ. Dilah Añ lòt bal mơ bol mê bulah mìng tòm dô ơthoa, gen Añ kung rơp tơnroh bol mê! Behơ̆, tŭ do, hồ tă tĕ ală phan bơka să bol mê dê, mơ Añ rơp lơh nền ñchi Añ lơh gơwèt mơ bol mê.’”

Lik Ejiptơ 9:7

Pharaôn sồr cau lòt sền sơwì, mơ ò gŏ dô nơm phan poan jơng lơi cau Israel dê chơt ò. Bulah behơ̆, nùs Pharaôn dê kư̆ kră kơldang, mơ khai ò ai làng bol in lik lòt.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Ejekiel 2:4

Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 31:27

Bơh añ git bol mê la dô nơm làng bol jak tòmdră mơ kơldang bồ. Dilah bol mê neh bơtào tòmdră mơ Yàng Jehôwa tòm tŭ añ gam kis digùl oh mi, tơ ài lah tơnơ̆ mơ tŭ añ neh chơt rau gen bol mê rơp bơtào tòmdră oă rlau tai!

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.