Esai 48:3 - Sră Goh 2018

³ “Añ neh đơs lài jŏ jòng bơh ală bơta neh rlau rau, ală broă hơ̆ neh lik bơh bơr Añ; mơ Añ neh yal bol khai in git; gen nisơna Añ neh lơh gơs, mơ ală bơta hơ̆ neh gơlik tus rau.

Esai 48:3 ပူးပေါင်းရင်းမြစ်များ

Esai 29:5

Mơya cau sò tơm mê dê rơp gơbơtơl oă be thul rhền, mpồl oă cau jàñ bơsak rơp gơlik kung be ngkàp kòi càl khồm gơ par thit; bơta hơ̆ rơp gơlik tus mo dô bă nisơna.

Esai 30:13

Gen tàng tồi glài do rơp gơlik gơs bol mê in kung be dô bă tiah bơcah dê dơrñang jơnhoa neh dàng mơ ồm lề, mơ gơ rơp tơrlơm dô bă nisơna.

Esai 37:29

Tài bơh mê gơhào gơjrañ tòmdră di Añ, mơ jơnau pơnhừ să mê dê neh tus di tồr Añ, gen Añ rơp ơn kơlnĕ Añ jê kwĕ di muh mê, mơ ơn che kèp Añ jê gla di bơr mê, Añ rơp lơh mê in rê wơl jat gùng mê neh lòt tus.’

Esai 37:7

Iat tĕ do, Añ rơp ơn dô nơm hwềng tòm khai nàng tòm tŭ khai kơno dô jơnau yal gen khai rơp rê wơl hơ lơgar tòm khai dê; tềng hơ̆ Añ rơp lơh khai in gơplơ̆ hơđơm lơmpiat đào.”’”

Esai 41:22

Cèng ală rùp ràk bol mê dê tus rềp nàng yal bol hi in ală bơta rơp gơlik tus. Yal tĕ bol he in ală bơta neh gơs bơh lài, nàng bol he in sền sơwì bơh ală bơta hơ̆, mơ git wă ală bơta lồi dut gơ dê, hala yal loh bol hi in ală bơta rơp gơlik gơs.

Esai 41:27

Añ la cau sơnròp neh yal lài Siôn in, mơ Añ ai Jerusalem in dô nă cau kong sồr lòt yal jơnau niam

Esai 42:9

Sền ne, ală bơta yau neh gơlik gơs rau, mơ Añ yal tơnggit ală bơta pa; Añ yal tơnggit bol mê in lài mơ tŭ gơ gơlik tus.”

Esai 43:9

Jơh ală lơgar tơrgòm dô bă bal, ală làng bol pơjum tĕ bal! Ñcau tòm bol khai yal lài bơta do, mơ yal tơnggit bol he in ală bơta neh gơlik gơs bơh yau òr taih? Lòi tĕ bol khai cèng tus ală cau lơh cơng bol khai dê nàng dong tò bol khai la di, mơ lòi bol khai in kơno mơ đơs lah: “Hơ̆ la song ngan.”

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Jôsue 21:45

Tòm jơh ală jơnau ho pơgon niam mơ Yàng Jehôwa neh bơtào mơ hìu Israel, ò gơs jơnau lơi ò gơlik gơs; jơh ală neh gơlik di ngan lơm.