Esai 48:2 - Sră Goh 2018

² Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 48:2 ပူးပေါင်းရင်းမြစ်များ

Nehemi 11:1

Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

Nehemi 11:18

Jơh ală cau Lebi ơm tòm ƀòn sàng goh la bàr rhiang phàm jơt poan nă.

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Đơs Crih 87:3

Ơ ƀòn dờng Yàng Tom Trồ dê, Ală bơta gơklŏ neh đơs bơh mê. (Selah)

Esai 10:20

Tòm ngai hơ̆, mpồl gam wơl Israel dê, la ală cau gam kis hìu Jakôp dê, rơp ò gam sơnđìng tai di dô nă cau neh lơh bol khai, mơya rơp sơnđìng di Yàng Jehôwa, Bơtau Sàng Goh Israel dê tòm jơnau song.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 21:2

“Dan hòi lùp Yàng Jehôwa bol he in, bơh Nebukatnessar, bơtau Babilôn, neh tus tòmlơh mơ bol he; digơlan Yàng Jehôwa rơp lơh ală broă crih crài bol he in be Kơnràñ òs lơh, mơ rơp lơh khai in lik ngài bơh bol he.”

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mathiơ 27:53

Tơnơ̆ tŭ Yàng Jesu kis wơl, gen bol hơ̆ mut tòm ƀòn dờng sàng goh mơ tơlik mat oă cau in gŏ.

Mathiơ 4:5

Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai,

Rôma 2:17

Ai mê, mê sơnđan is he la cau Juda, sơnđìng hơđang bơta boh lam, jòng să bơh Yàng Tom Trồ;

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Yal Tơlik 22:19

Dilah cau lơi tă sang bơta lơi bơh ală jơnau tòm sră gơnoar hwơr do, gen Yàng Tom Trồ kung rơp tă sang pơnah khai dê bơh chi bơta kis mơ bơh ƀòn dờng sàng goh, la bơta neh cih tòm sră do.

Ală Kwang Cahrña 17:13

Mơ Mika đơs lah: “Tŭ do añ git la Yàng Jehôwa rơp gơwèt niam mơ añ, tài bơh cau Lebi do neh gơlik gơs cau gơnoar ơn phan duh khoai añ jê.”