Esai 48:1 - Sră Goh 2018

¹ Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Esai 48:1 ပူးပေါင်းရင်းမြစ်များ

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

Sơnròp Gơlik Gơs 35:10

Mơ đơs lah: “Sơnđan mê la Jakôp, mơya ò tai sơnđan la Jakôp, mơ rơp sơnđan mê la Israel.” Behơ̆, Kơnràñ tơmoh sơnđan khai in la Israel.

II Ală Bơtau 17:34

Tus di ngai do, bol khai gam lơh jat bơta òs mòng yau bol khai dê. Bol khai ò duh rngòt di Yàng Jehôwa, ò lơh jat jơnau sồr, bơta lơh nền, bơta sồr lam, hala bơta boh lam lòi wơl kòn sau Jakôp in, mơ Kơnràñ neh tơmoh sơnđan la Israel.

II Ală Bơtau 5:20

Gehaji, cau dong broă Elise cau Yàng Tom Trồ dê, đơs is tòm nùs lah: “Cau tòm añ neh lòi gòi Naaman, cau Aram in, ƀuơn ir, bơh ò dòp phan lơi khai neh ơn. Añ sơnio Yàng Jehôwa gam kis sùm, añ rơp ntoat jat khai mơ dòp phan lơi bơh di khai.”

Đơs Crih 63:11

Mơya cau bơtau rơp chò hòp tòm Yàng Tom Trồ; Jơh ală cau lơi sơnio Kơnràñ mơ srat să gen rơp jòng să tòm Kơnràñ; Bơh bơr ală cau đơs blac rơp gơkòl tơmềm wơl.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 68:26

Mơ đơs lah: “Ơ ală cau tơnggơs bơh Israel, tòm mpồl jơnum dờng jòng ro tĕ Yàng Tom Trồ, la Yàng Jehôwa.”

Đơs Crih 68:27

Ne, Benjamin la jơi bơtiàn dềt rlau jơh, la cau lam gùng bol khai, Gen ală kwang bơtau Juda mơ mpồl bol khai dê, Ală kwang bơtau Jebulun dê, mơ ală kwang bơtau Neptali dê.

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Jơnau Pơnđik 5:16

Ală croh dà kòn dê, lòi gơhòr lềng, Ală tồ dà cat kòn dê, lòi gơhòr tòm gùng lòt sơl ơ?

Esai 26:13

Khoai Yàng Jehôwa la Yàng Tom Trồ bol hi dê, gơs ală yàng ndai rlau mơ Kơnràñ at bồ bol hi, mơya bol hi mìng git wă sơnđan Kơnràñ lơm.

Esai 44:5

Cau do rơp đơs lah: ‘Añ gơrê bal mơ Yàng Jehôwa,’ cau ne rơp tơmoh să tòm he bơh sơnđan Jakôp; cau ndai tai rơp cih hơđang tê he lah: ‘Añ gơrê bal mơ Yàng Jehôwa,’ mơ rơp tơmoh bơh sơnđan Israel.”

Esai 45:23

Añ neh ai să tòm Añ mơ srat să, bơr Añ neh đơs tòm bơta song ring, dô jơnau rơp ò tŭ lơi rê wơl: Di đap Añ jơh ală gơltang rơp cùn, kòp nơm lơmpiat rơp srat să ho nền.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Esai 51:1

“Iat tĕ Añ! Ơ bol mê la ală cau ting jat bơta song ring, mơ bol mê jòi Yàng Jehôwa! Sền tĕ di pơnai lŭ klềr mơ bơh tềng hơ̆ bol mê neh geh phàt tơlik, mơ bơh tòm trồm lŭ bol mê neh geh tò.

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Esai 65:16

Cau lơi hòi dan dô bơta lơngai tòm lơgar gen rơp ai lơngai bơh Yàng Tom Trồ bơta dòn song dê; cau lơi srat să ho nền tòm lơgar gen rơp srat să bơh Yàng Tom Trồ bơta dòn song dê. Bơh ală bơta bòl glar kalke lài òr neh hŭi jơh mơ neh pồn ndơp bơh di mat Añ.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Mice 2:7

Ơ hìu Jakôp; di pal sơl đơs lah Hwềng Yàng Jehôwa ò gam ơt ơl ơ? Kơnràñ lơh ală bơta behơ̆ sơl ơ? Jơnau đơs Añ jê ò di gơs kwơ cau lơi in lòt jat ală gùng song ring ò ơ?

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 24:7

Dà rơp hòr lik bơh ală thùng ơn dà khai dê, mơ gar sơntìl khai dê rơp tơngkah tơngkañ dà, Bơtau at bồ bol khai dê rơp la dờng rlau mơ Agak; lơgar bol khai dê rơp geh yò tơngguh hơđang.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Jang 4:24

Yàng Tom Trồ la hwềng, gen tàng cau lơi duh khoai Kơnràñ pal ai tĕ hwềng nùs mơ jơnau song nàng duh khoai.”

Rôma 2:17

Ai mê, mê sơnđan is he la cau Juda, sơnđìng hơđang bơta boh lam, jòng să bơh Yàng Tom Trồ;

Rôma 9:6

Añ ò đơs lah jơnau ho Yàng Tom Trồ dê gơlik ò kwơ ò. Bơh ò di jơh ală cau Israel la làng bol Yàng Tom Trồ dê.

Rôma 9:8

Hơ̆ ò di ală kòn đah poac să la ală kòn Yàng Tom Trồ dê, mơya kòn sau đah jơnau ho pơgon gen sồng geh kòp la jơi bơtiàn Abraham dê.

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Yal Wơl 33:28

Behơ̆ Israel rơp kis tòm bơta lơngap lơngai, Jakôp kis tòm bơta lơngap lơngai tòm lơgar gơs kòi mbo mơ tơrnòm, la tiah ală tap trồ dùh dà mơryuh.

Yal Wơl 5:28

Yàng Jehôwa neh kơno bol mê tòm tŭ bol mê đơs mơ añ, mơ Yàng Jehôwa đơs mơ añ lah: ‘Añ neh kơno ñchi jơnau làng bol do neh đơs mơ mê. Jơh ală jơnau bol khai neh đơs la niam.

Yal Wơl 6:13

Rngòt tĕ di Jehôwa Yàng Tom Trồ bol mê dê, duh broă mìng dô nă Kơnràñ lơm mơ ai sơnđan Kơnràñ dê srat să ho pơgon.

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.