Esai 47:9 - Sră Goh 2018

⁹ Bàr bơta hơ̆ rơp gơlik tus hơđang ai tòm dô dơ̆ lĕ mơ tòm dô ngai lơm: hơ̆ la cau roh ală kòn mơ ơm bơnrau. Ală bơta hơ̆ rơp gơlik tus wil tơl hơđang ai, bulah ai gơs oă gru bơjơu, mơ jơh ală gơnoar juh proh ai dê!

Esai 47:9 ပူးပေါင်းရင်းမြစ်များ

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Esai 13:16

Kòn dềt bol khai dê rơp kong tơnlề rpot rpet di đap mat bol khai, hìu bol khai dê rơp kong cau phà tòmpìt mơ bau ùr bol khai dê rơp kong cau bic bơklơn.

Esai 21:9

Sền ne, gơs cau ling hào ơseh tus, cau hào ơseh mơ yô mơ yô! Khai ho lah: ‘Babilôn neh tơrlơm rau, neh tơrlơm rau! Jơh ală rùp ràk yàng gơ dê, bic bơcah lề hơđang ù tiah!’”

Esai 47:11

Mơya bơta iơh rơp tus mơ ai, mơ ai rơp ò rgơi ting bơtrơh gơ. Dô bơta bòl glar rơp dùh hơđang ai, mơ ai ò geh pleh klàs kơnòm di phan tơwài; dô bơta tơnroh rơp tus hơđang ai nisơna la bơta ai ò git.

Jeremi 15:9

Cau ùr neh tơnggơs poh nă kòn, neh lơbơn òsô. Tă nhơm lồi; Mattơngai khai neh ñơp tŭ trồ ngai; Khai kong dơñŏ tơnhial mơ ƀàssìl ƀàsso; Ai ală cau gam wơl bol khai dê, Añ rơp jào đào ală cau sò tơm bol khai in.” Yàng Jehôwa đơs behơ̆.

Jeremi 51:29

Ù tiah lơnggơr mơ jê sồt, bơh nùs kòñ Yàng Jehôwa tòmdră mơ Babilôn geh ntào kơ̆, Nàng lơh tiah Babilôn in ngềt ngơt, Ò gơs làng bol ơm.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 4:7

Tòm tŭ ală cau jak chài Babilôn dê, ală cau gru bơjơu, ală cau sền sơmañ mơ ală cau sền dà lòt tus hơ añ, añ yal bơta mpau bol khai in, mơya bol khai ò rgơi yal tơlik jơnau gơtha gơ dê añ in.

Daniel 5:30

Tòm mang hơ̆, bơtau Babilôn la Belsassar kòl tơnchơt.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

Nahum 3:4

Tài bơh bơta gơlềng gơlàng ò git dil cau ùr dri dê, ngui bơta hàng mơnĕ nàng pơndòm ơniai, cau ùr lơh gru bơjơu, la cau kup lơh dĭ ală lơgar bơh bơta gơlềng gơlàng khai dê.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

Rutơ 1:20

Naômi đơs mơ bol hơ̆ lah: “Bañ hòi añ la Naômi tai, mơya hòi tĕ añ la Mara tài bơh Bơtau Gơnap Gơnoar neh lơh rài kis añ sràt bơtang ngan.

Rutơ 1:5

gen jơh bàr nă Maklôn mơ Kilaiôn kung chơt, behơ̆ lòi wơl Naômi ò gơs bàr nă kòn klau mơ kung ò gơs bau klau sơl.