Esai 47:4 - Sră Goh 2018

⁴ Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 47:4 ပူးပေါင်းရင်းမြစ်များ

Đơs Crih 19:14

Ơ Yàng Jehôwa la lŭ klềr añ jê, mơ la Bơtau tơwài glài añ, Dan jơnau đơs bơr añ jê, Mơ bơta kơlôi sơnơng nùs añ jê kòñ geh niam nùs Kơnràñ.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 43:14

Yàng Jehôwa, Bơtau Dong Tơwài bol mê dê, Bơtau Sàng Goh Israel dê đơs be do lah: “Tài bơh bol mê, Añ rơp sồr tus hơ Babilôn, lơh tơrlơm jơh ală mpồng ƀòn dờng dê, mơ ală jơnau driau cau Kalde dê rơp gơlik gơs jơnau ñìm rac.

Esai 43:15

Añ la Yàng Jehôwa, Bơtau Sàng Goh bol mê dê, la Bơtau Crơng Gơs Israel, mơ la Bơtau At Bồ bol mê dê.”

Esai 43:3

Bơh Añ la Jehôwa Yàng Tom Trồ mê dê, Bơtau Sàng Goh Israel dê, Yàng Dong Klàs mê dê. Añ ai Ejiptơ lơh gơs phan tơwài mê, Ethiôpi mơ Seba lơh gơs phan ala mê.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Jeremi 31:11

Bơh Yàng Jehôwa neh tơwài Jakôp, Dong tă bol khai klàs bơh tê cau pràn kơldang rlau mơ bol khai.

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.