Esai 47:3 - Sră Goh 2018

³ Bơta ơm kuh ai dê rơp ò geh jơm gòm, bơta ƀàssìl ai dê cau rơp sền gŏ! Añ rơp lơh bơta sal tê, ò pơlai dô nă cau lơi.

Esai 47:3 ပူးပေါင်းရင်းမြစ်များ

Sơnròp Gơlik Gơs 3:7

Gen mat bàr nă bol khai pò, git lah bol khai ơm kuh lòi rồ, gen bol khai ai nha chi ƀal mơ jing gơs ntròñ nàng jơm să.

Esai 20:4

behơ̆ bơtau Asiri kung rơp kup dĭ cau Ejiptơ mơ kup cèng cau Kus lòt hơ lơgar ngài sơl, jơh ală cau pơnu mơ cau kra, lòi rồ mơ lòt nàng lơh ƀàssìl Ejiptơ.

Esai 3:17

Yàng Jehôwa rơp lơh bồ ală kòn ùr Siôn dê gơcat ngkàp, mơ Yàng Jehôwa lơh bol khai in ơm kuh lòi rồ.”

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Jeremi 13:22

Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 13:26

Añ kung rơp yò ồi mbơn ai tus di mat ai, gen bơta ƀàssìl ai dê rơp sền gŏ.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:4

Bol khai rơp gơpừ kong tơnchơt tòm lơgar cau Kalde, Mơ kong sồt tòm ală gùng ƀòn dờng gơ.

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Ejekiel 16:37

gen tàng Añ rơp pơjum jơh ală cau tòmtir mơ ai, la ală cau neh lơh ai in niam nùs, ală cau ai kòñ gơboh bal mơ ală cau ai gơjrañ kơuềng. Añ rơp pơjum bol khai tòmdră mơ ai bơh di jơh ală lơgar gùt dar, mơ Añ rơp hồ ồi ào ai di đap bol khai, mơ bol khai rơp sền gŏ jơh să jan ơm kuh lòi rồ ai dê.

Nahum 3:5

Yàng Jehôwa Gơnap Gơnoar Dờng Làm Jơh đơs lah: “Añ rơp hồ tă ồi mbơn ai dê, mơ jơm muh mat ai mơ Añ rơp lòi ală làng bol in sền gŏ bơta ơm kuh lòi rồ ai dê, mơ ală lơgar sền gŏ bơta ƀàssìl ƀàsso ai dê.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”