Esai 45:3 - Sră Goh 2018

³ Añ rơp ai mê in ală đam jàr phan màng tòm tiah jơngo, bơta pas gơs neh prap lòi tòm ală tiah ndơp ndơr, nàng mê in git Añ la Yàng Jehôwa, Yàng Tom Trồ Israel dê, la Bơtau neh hòi mơ sơnđan mê dê.

Esai 45:3 ပူးပေါင်းရင်းမြစ်များ

II Yal Yau 6:17

Gen tàng, ơ Jehôwa Yàng Tom Trồ Israel dê, dan lòi jơnau Kơnràñ neh ho mơ Dabit cau duh broă Kơnràñ dê geh dòp nền cê ngan.

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Lik Ejiptơ 33:12

Môise đơs mơ Yàng Jehôwa lah: “Yàng neh đơs mơ añ lah: ‘Lam tĕ làng bol do,’ mơya Yàng ò ai añ in git Yàng rơp sồr ñcau lòt bal mơ añ. Yàng neh đơs lah: ‘Añ git mê mơ sơnđan mê, bơh mê neh geh bơta nđàc di đap Añ.’

Lik Ejiptơ 33:17

Gen Yàng Jehôwa đơs mơ Môise lah: “Añ rơp lơh dô bơta mơ mê neh dan mơ Añ hơ̆, tài bơh mê neh geh niam nùs Añ, mơ Añ git mê bơh sơnđan mê dê.”

Esai 41:23

Yal tĕ bol he in bơh ală bơta rơp gơlik gơs tòm ngai tơnơ̆, tồ bol he in git bol mê la ală yàng. Lơh bơta lơi niam hala lơh bơta iơh, tồ bol he in rngòt rngơt mơ kìr.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 48:15

Añ, să tòm Añ neh đơs, ngan Añ neh hòi khai, Añ cèng khai tus, mơ khai rơp geh pas gơs tòm gùng dà khai in.

Esai 49:1

Ơ ală bồt pơlào, iat tĕ añ! Ơ ală làng bol tòm ală lơgar ngài, kơrhia tĕ! Yàng Jehôwa neh hòi añ lài mơ tŭ añ òhềt deh, Kơnràñ neh tơmoh sơnđan añ tòm tŭ añ gam ơm tòm kơndul mè añ jê.

Jeremi 41:8

Mơya gơs jơt nă tòm mpồl bol khai đơs mơ Ismael lah: “Bañ tơnchơt bol hi, bơh bol hi gơs ală phan sa pồn ndơp tòm ƀlàng sre: kòi mi, kòi tràng, mơñà, mơ dà lơwe.” Gen Ismael ơm dơh wơl ò tơnchơt bol khai bal mơ oh mi bol khai.

Jeremi 50:26

Bơh poan đah jơng trồ tus tĕ tòmdră mơ gơ; Pò tĕ ală đam jàr gơ dê, Rơndap gơ be gơnru kòi, mơ tơnroh jơh tĕ; Bañ lòi wơl dô êt lơi gơ in!

Jeremi 50:37

Dô nơm đào tòmdră mơ ală ơseh, mơ rơndeh ơseh, tòmdră mơ ală cau ling ală lơgar ndai ơm digùl gơ, Tian gơs bol khai rơp gơlik kung be ală cau ùr! Dô nơm đào tòmdră ală đam jàr gơ dê, gen tànggơ kong tòmpìt kơñau!

Jeremi 51:13

Ơ ƀòn ơm di gah hiòng dờng, Pas sơm bơh gơs phan mơna Bơta lồi dut mê dê neh tus, tơngai kis mê dê neh gơkòl koh!

Jeremi 51:53

Bulah Babilôn rơp guh tus hơđang trồ, Bulah khai lơh theng jơnhoa ngan mơ kơ̆ cê, Bơh di Añ ală cau tơnroh rơp tus brồ lơh hơđang gơ,” Yàng Jehôwa đơs behơ̆.