Esai 42:9 - Sră Goh 2018

⁹ Sền ne, ală bơta yau neh gơlik gơs rau, mơ Añ yal tơnggit ală bơta pa; Añ yal tơnggit bol mê in lài mơ tŭ gơ gơlik tus.”

Esai 42:9 ပူးပေါင်းရင်းမြစ်များ

I Ală Bơtau 11:36

Mơ Añ rơp lòi wơl kòn klau khai in dô jơi bơtiàn, behơ̆ dĭ gơna Añ la Dabit rgơi gam gơs sùm dô nơm ồs đèng di đap Añ tòm Jerusalem, la ƀòn dờng Añ neh sac rwah nàng ơn sơnđan Añ jê tềng hơ̆.

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Esai 48:3

“Añ neh đơs lài jŏ jòng bơh ală bơta neh rlau rau, ală broă hơ̆ neh lik bơh bơr Añ; mơ Añ neh yal bol khai in git; gen nisơna Añ neh lơh gơs, mơ ală bơta hơ̆ neh gơlik tus rau.

Esai 48:5

Gen tàng Añ neh đơs ală bơta do bơh jŏ jòng rau; Añ neh yal ală bơta hơ̆ bol mê in lài mơ tŭ òhềt gơlik gơs tồ bol mê ò rgơi đơs lah: ‘Ală rùp ràk añ jê neh lơh gơ; ală rùp pac sềr mơ chi mơ ală rùp tŏ mơ màh mơ priă neh ai gơnoar sồr ală bơta hơ̆.’

Esai 48:6

Bol mê neh kơno ală bơta do; rmê sền tĕ di jơh ală bơta hơ̆, mơ bol mê rơp ò yal wơl ơ? Bơh do jơl hìng nau, Añ rơp yal bol mê in ală bơta pa, ală bơta pồn ndơp mơ bol mê òhềt git.

Jang 13:19

Bơh tŭ do, Añ yal bol mê in lài mơ tŭ broă hơ̆ òhềt gơlik gơs; nàng tòm tŭ broă hơ̆ gơlik gơs rau, gen bol mê dòn Añ la Bơtau neh gơs mơ gam gơs sùm sùm.

Broă 15:18

Hơ̆ la ală broă neh git bơh tŭ jŏ jòng bơh rài yau.’

Jôsue 21:45

Tòm jơh ală jơnau ho pơgon niam mơ Yàng Jehôwa neh bơtào mơ hìu Israel, ò gơs jơnau lơi ò gơlik gơs; jơh ală neh gơlik di ngan lơm.