Esai 42:8 - Sră Goh 2018

⁸ Añ la Yàng Jehôwa; hơ̆ la sơnđan Añ! Añ ò lòi bơta gơklŏ Añ jê cau ndai in, kung ò ai bơta jòng ro Añ jê ală rùp ràk in.

Esai 42:8 ပူးပေါင်းရင်းမြစ်များ

Đơs Crih 66:2

Đơs chò tĕ bơh bơta gơklŏ sơnđan Yàng dê, jòng ro tĕ mơ lơh àng sơnđan Yàng.

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Lik Ejiptơ 34:14

Bañ duh khoai yàng lơi ndai, bơh Yàng Jehôwa gơs sơnđan la Ƀoah Pơrñat la Yàng Tom Trồ ƀoah pơrñat.

Lik Ejiptơ 4:5

Yàng Jehôwa đơs lah: “Hơ̆ nàng lòi bol khai in dòn lah Jehôwa Yàng Tom Trồ ồng pàng bol khai dê, la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ mê.”

Esai 43:11

Añ, să tòm Añ la Yàng Jehôwa, rlau mơ Añ ò gơs bơtau dong klàs lơi ndai tai.

Esai 43:3

Bơh Añ la Jehôwa Yàng Tom Trồ mê dê, Bơtau Sàng Goh Israel dê, Yàng Dong Klàs mê dê. Añ ai Ejiptơ lơh gơs phan tơwài mê, Ethiôpi mơ Seba lơh gơs phan ala mê.

Esai 48:11

Tài bơh să tòm Añ jê, bơh mìng dô nă Añ, Añ lơh bơta do. Mbe rgơi Añ lòi să tòm Añ kong bơta sền òsơp taih? Añ rơp ò lòi bơta gơklŏ Añ jê dô nă cau ndai in.”

Esai 48:5

Gen tàng Añ neh đơs ală bơta do bơh jŏ jòng rau; Añ neh yal ală bơta hơ̆ bol mê in lài mơ tŭ òhềt gơlik gơs tồ bol mê ò rgơi đơs lah: ‘Ală rùp ràk añ jê neh lơh gơ; ală rùp pac sềr mơ chi mơ ală rùp tŏ mơ màh mơ priă neh ai gơnoar sồr ală bơta hơ̆.’

Esai 48:6

Bol mê neh kơno ală bơta do; rmê sền tĕ di jơh ală bơta hơ̆, mơ bol mê rơp ò yal wơl ơ? Bơh do jơl hìng nau, Añ rơp yal bol mê in ală bơta pa, ală bơta pồn ndơp mơ bol mê òhềt git.

Jeremi 33:2

“Yàng Jehôwa la Bơtau lơh gơs bơta do, Yàng Jehôwa la Bơtau bơt bơtào lơh gơ in kơ̆, Jehôwa la sơnđan Kơnràñ, đơs be do:

Daniel 5:4

Behơ̆, bol khai ñô tơrnòm mơ jòng ro ală yàng mơ màh, mơ priă, mơ kòng, mơ lòs, mơ chi, mơ lŭ.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

Yal Wơl 28:58

Dilah bol mê ò kơrhia lòt jat jơh ală jơnau bơta boh lam do, la jơnau neh cih tòm sră do, mơ ò ki ngàm di sơnđan gơklŏ mơ pal rngòt rngơt do, hơ̆ la Jehôwa Yàng Tom Trồ bol mê dê,