Esai 42:4 - Sră Goh 2018

⁴ Khai rơp ò lơbơn òsô hala gơplơ̆ nùs, jơl tus di tŭ neh bơt bơtào bơta song ring hơđang ù; ală bồt pơlào rơp gơn kơnòm di bơta bơto sồr Khai dê.”

Esai 42:4 ပူးပေါင်းရင်းမြစ်များ

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Esai 40:22

Kơnràñ ơm nggui hơđang dơwàng plai ù dê, làng bol hơđang ù gơlơh kung be srah nting. Kơnràñ pò ală tap trồ kung be bài kơrnìng, mơ lă gơ kung be dô nơm sàl nàng ơm.

Esai 40:28

Mê ò git sơl ơ? Mê òhềt kơno sơl ơ? Yàng Jehôwa la Yàng Tom Trồ kis gam sùm sùm, la Bơtau Crơng Gơs ală tiah lồi dut plai ù dê. Kơnràñ ò bòl ò glar, bơta git wă Kơnràñ dê ò gơs cau lơi rgơi jòi bàn.

Esai 41:5

Ală bồt pơlào neh gŏ bơta hơ̆ mơ rngòt rngơt, ală tiah lồi dut plai ù gơlơnggơr, bol khai tus rềp mơ tus;

Esai 42:10

Đơs chò tĕ Yàng Jehôwa in dô bơta đơs chò pa, bơta đơs chò jòng ro Kơnràñ bơh tiah lồi dut plai ù dê. Ơ ală cau lòt tòm dàlềng mơ ală phan tòm hơ̆, ală bồt pơlào mơ jơh ală cau kis tòm gơ.

Esai 42:12

Lòi bol khai ơn tĕ bơta gơklŏ Yàng Jehôwa in, mơ yal tơlik bơta jòng ro Yàng tòm ală bồt pơlào.

Esai 42:21

Yàng Jehôwa niam nùs bơh bơta song ring Kơnràñ dê, lơh bơta boh lam Kơnràñ dê dờng màng mơ gơklŏ.

Esai 49:1

Ơ ală bồt pơlào, iat tĕ añ! Ơ ală làng bol tòm ală lơgar ngài, kơrhia tĕ! Yàng Jehôwa neh hòi añ lài mơ tŭ añ òhềt deh, Kơnràñ neh tơmoh sơnđan añ tòm tŭ añ gam ơm tòm kơndul mè añ jê.

Esai 51:4

Iat tĕ Añ, ơ làng bol Añ jê; mơ ơn nùs kơlôi di Añ, ơ lơgar Añ jê; bơta bơto sồr rơp lik bơh di Añ; bơta song ring Añ jê la dô nơm bơta àng ală làng bol in.

Esai 51:5

Añ rơp cèng bơta dong tă Añ jê tus rềp mhar ngan; bơta dong klàs Añ jê neh lik lòt rau; mơ tơwòr tê Añ jê rơp at bồ hơđang ală làng bol; ală bồt pơlào kơp gơn Añ mơ bol khai gơn kơnòm di tơwòr tê Añ jê.

Esai 55:5

“Sền ne, bol mê rơp hòi ală lơgar mơ bol mê ò git, mơ ală lơgar ò git bol mê rơp ntoat tus hơ bol mê, tài bơh Jehôwa Yàng Tom Trồ bol mê dê la Bơtau Sàng Goh Israel dê, bơh Kơnràñ neh lơh bol mê in geh gơklŏ.”

Esai 60:9

Bơh ală bồt pơlào rơp kơp gơn Añ; gơs ală ơhò Tarsi sơnròp ngan, cèng brê ală kòn sau mê dê rê wơl bơh tiah ngài, bol khai cèng bal priă mơ màh bol khai dê, tài bơh sơnđan Jehôwa Yàng Tom Trồ mê dê, mơ bơh Bơtau Sàng Goh Israel dê, bơh Kơnràñ neh lơh gơklŏ mê in.

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Mathiơ 12:21

Mơ ală làng bol bơdìh rơp gơn kơnòm di sơnđan Khai.”

Jơnau Niam Jat Mak 3:3

Yàng Jesu đơs mơ cau siar mpàng tê lah: “Ñă tĕ, ntào digùl do.”

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

I Kôrintô 9:21

Gơwèt mơ làng bol bơdìh añ kung be cau làng bol bơdìh, (bulah behơ̆, gơwèt mơ Yàng Tom Trồ, añ ò di la ò gơs bơta boh lam, mơya añ ơm hơđơm bơta boh lam Bơtau Krist dê), tồ geh cau làng bol bơdìh ơm bơdìh bơta boh lam cau Juda dê.