Esai 42:3 - Sră Goh 2018

³ Khai rơp ò dơrkă gai proh neh pă pơnie rau, ò tơnchơt ồs mòr chơt di brài đèng. Khai rơp ai bơta dòn song ràng tơlik bơta song ring,

Esai 42:3 ပူးပေါင်းရင်းမြစ်များ

Đơs Crih 147:3

Kơnràñ sơmbòi cau gơs nùs jê sồt moat jrùng, Mơ pùt tiah sồt bol khai dê.

Đơs Crih 54:5

Kơnràñ rơp sal wơl bơta iơh bơsak di ală cau sò tơm di añ; Dan tơnroh bol khai jat be bơta song ngan Kơnràñ dê.

Đơs Crih 94:15

Bơh bơta cahrña song ring rơp jat bơta song ring, Jơh ală cau gơs nùs song ngan gen rơp lơh jat bơta hơ̆.

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Esai 2:4

Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Esai 40:11

Kơnràñ ròng siam mpồl Kơnràñ dê kung be cau ê belàt; Kơnràñ pơjum tơrgòm ală belàt kòn tòm tơwòr tê Kơnràñ dê, mơ kơnđu bol gơ rềp di nùs Kơnràñ dê; Kơnràñ tề lam dô bă lơbơn niam ală belàt me gơs kòn gam pô.

Esai 42:2

Khai rơp ò driau dờng hala pò bơr, ò đơs sap dờng tòm ală gùng me.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Esai 63:1

Cau do la ñcau mơ tus bơh Edôm, bơh Bôjra, soh ào ñòm dà pơrhê taih? Cau do la ñcau mơ soh ào jrùh ryŭ ryơm, ai gơnoar pràn dờng khai dê mơ cơnđòa khin cha taih? “Hơ̆ la să tòm Añ, la Bơtau đơs bơta song ring, gơs gơnoar pràn nàng dong klàs.”

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 12:20

Khai rơp ò dơrkă gai proh neh pă pơnie rau, mơ ò tơnchơt ồs mòr chơt dê brài đèng, Jơl tus di tŭ Khai lơh bơta song ngan in geh pha rlau.

Jang 20:27

Chòp Kơnràñ đơs mơ Thôma lah: “Ai tĕ ràs tê mê ƀư tềng do mơ sền tĕ tê Añ, ai tĕ tê mê ƀư dê wĕ Añ; bañ pin, mơya dòn tĕ.”

Jang 5:30

Añ ò rgơi lơh is bơta lơi; Añ cahrña jat bơta Añ kơno, mơ bơta cahrña Añ jê la song ring, bơh Añ ò jòi jat nùs is Añ jê, mơya jòi jat nùs kòñ Bơtau neh sồr Añ lòt tus.

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.