Esai 41:8 - Sră Goh 2018

⁸ Mơya bol mê, ơ Israel, la cau duh broă Añ jê, Jakôp la cau Añ neh sac rwah, bol mê la jơi bơtiàn Abraham cau bơyô Añ jê;

Esai 41:8 ပူးပေါင်းရင်းမြစ်များ

I Yal Yau 16:13

Ơ ală kòn sau Israel cau duh broă Kơnràñ dê, Ơ ală kòn klau Jakôp la ală cau Kơnràñ neh sac rwah.

II Yal Yau 20:7

Kơnràñ ò di la Yàng Tom Trồ bol hi dê, neh ting bơtrơh ală làng bol ơm tòm lơgar do di đap làng bol Israel Kơnràñ dê, mơ ai lơgar kòn sau Abraham in, la cau bơyô Kơnràñ dê, jơl tus sùm sùm ò ơ?

Đơs Crih 105:6

Kah tĕ ală broă crih crài Kơnràñ neh lơh, Ală bơta krơi Kơnràñ dê, mơ ală jơnau cahrña mơ bơr Kơnràñ neh đơs.

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Đơs Crih 136:21

Kơnràñ ai lơgar bol khai dê lơh gơs sre brê, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 136:22

Hơ̆ la lơh gơs sre brê làng bol Israel in, la cau duh broă Kơnràñ dê, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 33:12

Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 29:22

Behơ̆ tàng, Yàng Jehôwa neh đơs, la Bơtau neh dong tơwài Abraham, neh đơs bơh hìu Jakôp be do: “Jakôp rơp ò gam ƀàssìl tai, muh mat bol khai dê rơp ò pàl tai.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 42:19

Ñcau la cau jơngo, mơya la cau duh broă Añ jê, mơ cau tĭ tồr kung be cau kong sồr mơ Añ neh sồr lòt taih? Ñcau la jơngo kung be cau ơn să Añ in, hala cau jơngo kung be cau duh broă Yàng Jehôwa dê taih?

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Esai 44:21

Ơ Jakôp, kah tĕ ală bơta do, ơ Israel, bơh mê la cau duh broă Añ jê. Añ neh lơh gơs mê, mê la cau duh broă Añ jê; ơ Israel, Añ rơp ò hŭi mê.

Esai 45:4

Tài bơh Jakôp, cau duh broă Añ jê, mơ tài bơh Israel, cau sac rwah Añ jê, Añ hòi mê mơ sơnđan mê dê, mơ ai mê in dô nơm sơnđan ryŭ ryơm bulah mê ò git Añ.

Esai 48:12

Ơ Jakôp, ơ Israel la cau Añ neh hòi, iat tĕ Añ: “Añ la Bơtau hơ̆; Añ la Bơtau sơnròp mơ la Bơtau lồi dut.

Esai 49:3

Kơnràñ đơs mơ añ lah: “Mê la cau duh broă Añ, tòm Israel Añ rơp geh bơta gơklŏ bơh mê.”

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Lebi 25:42

Tài bơh cau Israel la ală cau duh broă Añ jê, la cau mơ Añ neh cèng tơlik bơh di Ejiptơ, bol khai ò di kong tac kung be ală cau dĭ.

Malaci 1:2

Yàng Jehôwa neh đơs lah: “Añ neh kòñ gơboh di bol mê.” Mơya bol mê lùp lah: “Mbe Kơnràñ neh kòñ gơboh di bol hi taih?” Yàng Jehôwa đơs lah: “Esau ò di la bi Jakôp ơ?

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Galati 3:19

Gen ñchi bơh tài gơs bơta boh lam taih? Yàng Tom Trồ bơtơl bơta boh lam tài bơh ală bơta tìs glài, mơ jơl tus di tŭ cau jơi bơtiàn Abraham dê tus, hơ̆ la Bơtau gơs jơnau ho pơgon. Bơta boh lam geh cèng bơh cau gơnrơh mơ bơh dô nă cau đơng kừh.

Yal Wơl 10:15

Bulah behơ̆ Yàng Jehôwa wèt nùs kòñ gơboh Kơnràñ mìng di ală ồng pàng bol mê dê, mơ neh sac rwah bol khai mơ kòn sau bol khai dê bơh digùl ală làng bol, be neh gŏ tòm ngai do.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Jakơ 2:23

Behơ̆ gơlik di ngan be jơnau Sră Goh cih lah: “Abraham dòn Yàng Tom Trồ mơ bơta hơ̆ geh kòp la song ring khai in,” mơ khai geh sơnđan la bơyô Yàng Tom Trồ dê.