Esai 41:4 - Sră Goh 2018

⁴ Ñcau neh lơh gơs mơ lơh sir ală bơta do, hòi ală rài bơh tŭ sơnròp taih? Añ, la Yàng Jehôwa, Añ Bơtau Sơnròp mơ Lồi Dut.

Esai 41:4 ပူးပေါင်းရင်းမြစ်များ

Đơs Crih 102:27

Mơya Yàng gam sùm sùm be òs, Ală sơnam Yàng dê ò gơs tŭ lơi lồi.

Đơs Crih 102:28

Kòn sau ală cau duh broă Yàng dê rơp ơm lơngai; Jơi bơtiàn bol khai dê rơp geh bơtào kơ̆ di đap Kơnràñ.

Esai 40:12

Ñcau neh ai kơndồm tê he mơ was dàlềng, mơ ai sơnđàm tê mơ sơnoa ală tap trồ taih? Ñcau neh ơn kơmbuh ù tòm dô nơm sơ̆, hala kơr mơnơm mơ ală dòr hơđang dô nơm phan kơr taih?

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 41:26

Ñcau neh yal bơta hơ̆ bơh tŭ sơnròp tồ bol he in rgơi git, hala neh yal lài bơta hơ̆ nàng bol he đơs lah: “Khai đơs di” taih? Mơya ò gơs cau lơi yal, ò gơs cau lơi yal tơnggit, ò gơs dô nă cau lơi neh kơno jơnau bol mê.

Esai 41:3

Kơnràñ ting jat bol khai mơ sơrlèt rlau tòm bơta ring lơngai tòm tŭ jơng pa jă di gùng.

Esai 42:24

Ñcau neh jào Jakôp nàng gơkòl cau kup geh, mơ phi Israel nàng cau phà kơñau taih? Hơ̆ ò di la Yàng Jehôwa, la Bơtau mơ bol he neh tìs glài tòmdră mơ Kơnràñ ò ơ? Bơh bol khai ò bài lòt jat ală gùng dà Kơnràñ dê; bol khai ò dòn bơr lơh jat bơta boh lam Kơnràñ dê.

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Esai 43:13

Ngan, bơh ngai yau òr Añ la Yàng Tom Trồ. Ò gơs cau lơi geh dong klàs bơh tê Añ. Tòm tŭ Añ lơh gơs, ñcau rgơi tòmgơl taih?”

Esai 46:10

Añ neh yal tơlik bơta lồi dut bơh tŭ sơnròp, bơh ală tŭ tơngai rài yau, ală bơta òhềt gơlik gơs. Añ đơs lah: “Tơnggume broă Añ jê rơp bơtào kơ̆, mơ Añ rơp lơh gơlik gơs ală bơta niam nùs Añ jê.”

Esai 48:12

Ơ Jakôp, ơ Israel la cau Añ neh hòi, iat tĕ Añ: “Añ la Bơtau hơ̆; Añ la Bơtau sơnròp mơ la Bơtau lồi dut.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Broă 15:18

Hơ̆ la ală broă neh git bơh tŭ jŏ jòng bơh rài yau.’

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 22:13

Añ la Alpha mơ Ômega, Bơtau bồ dà mơ lồi tơnơ̆, Bơtau sơnròp mơ lồi dut.”