Esai 41:18 - Sră Goh 2018

¹⁸ Añ rơp lơh ală hiòng dà gơhòr hơđang ală mơnơm kơlờl, mơ ală croh dà ngŏ bơh digùl thòng. Añ rơp lơh ƀlàng bràs in gơlik gơs tơnau dà, mơ lơh ù rañ rsơh in gơlik gơs croh dà.

Esai 41:18 ပူးပေါင်းရင်းမြစ်များ

Đơs Crih 104:10

Kơnràñ lơh ală croh gơcat dà tòm thòng, Gơhòr digùl ală dòr.

Đơs Crih 105:41

Kơnràñ lơh bơcah pơnai lŭ, gen dà hòr lik pràn ngan; Gơhòr be dô nơm hiòng tòm ƀlàng bràs.

Đơs Crih 107:35

Kơnràñ lơh ƀlàng bràs gơlik gơs tơnau dà, Ù rañ rsơh gơlik ală croh dà.

Đơs Crih 126:4

Ơ Yàng Jehôwa, dan cèng ală cau kòl jàm bol hi dê rê wơl, Be ală croh dà tòm Negep.

Đơs Crih 46:4

Gơs dô nơm hiòng dà, ală ntê dà hơ̆ lơh chò hòp ƀòn Yàng Tom Trồ dê, La tiah ơm sàng goh Bơtau Hơđang Rlau Jơh dê.

Esai 12:3

Bol mê rơp bơ̆ dà bơh tơrlung bơta dong klàs mơ bơta hòn chò.

Esai 30:25

Tòm ngai sreh tơnchơt dờng hơ̆, tòm tŭ ală theng kơp gàr tơrlah tơrlơm, ală croh dà rơp hòr hơđang kòp nơm mơnơm jơnhoa mơ kòp nơm dòr.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 33:21

Mơya bơta ryŭ ryơm Yàng Jehôwa ơm bal mơ bol he tềng hơ̆, la tiah gơs hiòng mơ croh dà dờng ơnàng, rơp ò gơs ơhò dờng mơ plung bềl yàl lòt gan.

Esai 35:1

Ƀlàng ngềt ngơt mơ tiah ro rañ rơp chò hòp; ƀlàng bràs rơp hòn chò mơ gơcat bơkào be bơkào Rmit.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 48:21

Bol khai rơp ò tơhìr dà tòm tŭ Kơnràñ lam bol khai lòt gan ală ƀlàng bràs; Kơnràñ neh lơh dà gơhòr lik bơh di pơnai lŭ klềr; Kơnràñ pòng bơcah pơnai lŭ klềr, gen dà hòr lik.

Esai 58:11

Yàng Jehôwa rơp kư̆ tề lam bol mê sùm sùm; Kơnràñ lơh bol mê in hừh nùs ală bơta pal càng tòm dô nơm lơgar rañ rsơh, mơ lơh ntìng bol mê in pràn kơldang. Bol mê rơp gơlik gơs kung be dô nơm suơn geh tuh dà, be dô nơm dà croh ò gơs tŭ lơi soat.

Esai 65:13

Behơ̆ tàng Yàng Jehôwa la Yàng Tom Trồ đơs be do: “Ală cau duh broă Añ rơp sa, mơya bol mê rơp kong jơgloh; ală cau duh broă Añ rơp hùc, mơya bol mê rơp kong tơhìr; ală cau duh broă Añ rơp hòn chò, mơya bol mê rơp kong ƀàssìl ƀàsso.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.

Sacari 14:8

Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”

Ală Kwang Cahrña 15:19

Gen Yàng Tom Trồ pò dô nơm trồm lŭ tòm Lehi, gơs dà hòr lik bơh dê gơ. Tòm tŭ Samsôn neh hùc dà rau, gen hwềng nùs khai gơrê wơl, mơ khai gam kis. Behơ̆, cau sơnđan tiah hơ̆ la En Hakkôre, gam tòm Lehi tus di ngai do.