Esai 41:1 - Sră Goh 2018

¹ Ơ bol mê la ală bồt pơlào, ơm tĕ mŏ mŏ di đap Añ mơ iat! Lòi ală làng bol gơs tĕ pràn pa; Lòi tĕ bol khai tus rềp mơ đơs! Lòi bol he tus rềp bal nàng cahrña!

Esai 41:1 ပူးပေါင်းရင်းမြစ်များ

Sră Jop 38:3

Kơt tĕ but mê dê be dô nă cau klau; Añ rơp lùp mê, mơ mê rơp yal loh Añ in.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 34:1

Ơ ală lơgar, tus rềp tĕ mơ ơm iat; ơ ală làng bol, ơn tĕ tồr iat; Plai ù mơ jơh ală phan tòm gơ, dunnia mơ jơh ală phan geh tơnggơs bơh gơ, iat tĕ!

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 41:5

Ală bồt pơlào neh gŏ bơta hơ̆ mơ rngòt rngơt, ală tiah lồi dut plai ù gơlơnggơr, bol khai tus rềp mơ tus;

Esai 43:26

Yă tĕ Añ; bol he lòt tòmpơrlòng tĕ, tơlik tĕ ală bơta gơrềng tus mơ mê; nàng lơh cơng mê la di.

Esai 43:9

Jơh ală lơgar tơrgòm dô bă bal, ală làng bol pơjum tĕ bal! Ñcau tòm bol khai yal lài bơta do, mơ yal tơnggit bol he in ală bơta neh gơlik gơs bơh yau òr taih? Lòi tĕ bol khai cèng tus ală cau lơh cơng bol khai dê nàng dong tò bol khai la di, mơ lòi bol khai in kơno mơ đơs lah: “Hơ̆ la song ngan.”

Esai 48:16

Tus tĕ rềp mơ Añ mơ iat jơnau do: Bơh sơnròp Añ òhềt đơs tòm bơta ndơp ndơr; bơh di tŭ bơta hơ̆ gơlik gơs, Añ neh gơs tềng hơ̆ rau. Mơ tŭ do, Yàng Jehôwa At Bồ Hơđang Jơh neh sồr Añ, bal mơ Hwềng Kơnràñ dê.”

Esai 49:1

Ơ ală bồt pơlào, iat tĕ añ! Ơ ală làng bol tòm ală lơgar ngài, kơrhia tĕ! Yàng Jehôwa neh hòi añ lài mơ tŭ añ òhềt deh, Kơnràñ neh tơmoh sơnđan añ tòm tŭ añ gam ơm tòm kơndul mè añ jê.

Esai 50:8

Bơtau đơng kừh Añ ơm rềp mơ Añ. Ñcau rơp jòi jơnau tòmdră mơ Añ taih? Lòi tĕ khai mơ Añ tòm mat bal! Ñcau la cau yă Añ taih? Lòi khai tòm mat mơ Añ!

Habakuk 2:20

Mơya Yàng Jehôwa ơm tòm Hìu Duh Khoai Sàng Goh Kơnràñ dê; lòi jơh plai ù ơm tĕ mŏ mŏ di đap Kơnràñ.”

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.