Esai 40:6 - Sră Goh 2018

⁶ Gơs jơnau đơs lah: “Hòi dờng tĕ!” Mơ añ đơs lah: “Ñchi jơnau añ rơp hòi taih?” “Jơh ală cau kung be ñhơt, jơh ală bơta gơklŏ gơ dê la kung be bơkào tòm ƀlàng.

Esai 40:6 ပူးပေါင်းရင်းမြစ်များ

Sră Jop 14:2

Khai hòn dờng kung be bơkào gen ñòp ro, ntoat dô be dô nơm mƀur, khai ò ơm jŏ jòng.

Đơs Crih 102:11

Ală ngai añ jê mòr jơh kung be mƀur trồ mho; Añ ro rañ be ñhơt.

Đơs Crih 92:7

bulah cau iơh bơsak gơlik dờng mhar be ñhơt, Mơ jơh ală cau lơh iơh bơsak geh bơtào tơngguh, bol khai neh geh lơh nền pal kong tơnroh jơl sùm sùm.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 37:27

Làng bol ơm tòm ƀòn hơ̆ neh roh gơnoar, gơdô nùs mơ kong ƀàssìl. Bol khai kung be ală chi che tòm ƀlàng, kung be ală sơmbut lơbơn mơ tơlir, kung be ñhơt hòn hơđang rkàng hìu, ñòp ro lài mơ tŭ gơhòn dờng.

Esai 40:3

Gơs jơnau cau hòi driau lah: “Rcang tĕ gùng tòm ƀlàng ngềt ngơt Yàng Jehôwa in; bơsong tĕ gùng me tòm ƀlàng bràs Yàng Tom Trồ bol he in!

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 31:6

Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Sră Ôse 5:8

Uh tĕ kơwào tòm Gibea, uh tĕ kơlwòk tòm Rama. Driau dờng yal tơnggit tĕ tòm Bet Aben, Ơ Benjamin sền rmê tĕ bơh đah ngkòi mê.

Sacari 1:14

Behơ̆ cau gơnrơh đơs mơ añ sồr añ tai lah, bơto yal tĕ jơnau do: “Yàng Jehôwa Gơnap Gơnoar Dờng Làm Jơh neh đơs: ‘Añ gơs nùs ƀoah pơrñat ngan bơh Jerusalem mơ Siôn.