Esai 40:5 - Sră Goh 2018

⁵ Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Esai 40:5 ပူးပေါင်းရင်းမြစ်များ

I Ală Bơtau 14:11

Jơh tơl nă cau gơrê mơ Jerôbôam cau lơi chơt tòm ƀòn dờng, gen so rơp sa, mơ cau lơi chơt tòm ƀlàng gen sềm trồ rơp sa;’ bơh Yàng Jehôwa neh đơs behơ̆.

Đơs Crih 102:16

Tòm tŭ Yàng Jehôwa rơp bơt bơtào Siôn, Gen Kơnràñ rơp tơlik mat tòm bơta gơklŏ Kơnràñ dê.

Đơs Crih 102:17

Kơnràñ rơp wèt sền jơnau hòi dan cau dồn sa rƀah dê, mơ ò sền òsơp di jơnau rac dan bol khai dê.

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 96:6

Bơta jòng ro mơ bơta ryŭ ryơm ơm di đap Kơnràñ; Bơta pràn kơldang mơ bơta hàng mơnĕ ơm tòm tiah sàng goh Kơnràñ dê.

Đơs Crih 97:6

Ală tap trồ bơto yal bơta song ring Kơnràñ dê; Jơh ală làng bol sền gŏ bơta gơklŏ Kơnràñ dê.

Lik Ejiptơ 16:7

mơ tòm àng drim bol mê rơp gŏ bơta gơklŏ Yàng Jehôwa dê, tài bơh Kơnràñ neh kơno jơnau bol mê yoam Kơnràñ rau. Bol hi la ñcau mơ bol mê yoam tòmdră mơ bol hi taih?”

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 26:15

Mơya Kơnràñ neh bơtơl lơgar, ơ Yàng Jehôwa, Yàng neh bơtơl làng bol, bơta gơklŏ gơrê hơ Kơnràñ, Kơnràñ neh pò ơnàng jơh ală nhàr lơgar dê.

Esai 34:16

Jòi tĕ mơ sền tòm sră Yàng Jehôwa dê: Ò gơs phan lơi tòm jơh ală phan do rơp ò gơs tềng hơ̆, ò gơs dô nơm lơi la ò gơs yô. Bơh bơr Yàng Jehôwa dê neh ai gơnoar sồr; mơ Hwềng Kơnràñ dê rơp pơjum tơrgòm bol gơ.

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 40:4

Kòp nơm thòng rơp geh yò tơngguh hơđang, kòp mơnơm mơ dòr rơp lơh liah, ù tiah ò ring rơp geh pơnring, ală tiah kơh tiah mơnơm rơp gơlik gơs ƀlàng ring.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 58:14

gen bol mê rơp geh bơta hòn chò tòm Yàng Jehôwa, Añ rơp yò bol mê hào hơđang ală tiah jơnhoa tòm ù tiah dê, Añ rơp ròng siam bol mê mơ sre brê ồng pàng bol mê dê la Jakôp.” Bơh bơr Yàng Jehôwa dê neh đơs behơ̆.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Esai 60:1

Guh tĕ, pơnđàng sòl tĕ, bơh bơta àng mê dê neh tus, mơ bơta gơklŏ Yàng Jehôwa dê neh pơnđàng hơđang mê.

Esai 66:16

Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Esai 66:23

Yàng Jehôwa đơs lah: “Bơh ngai dùl lik do tus di ngai dùl lik tơnơ̆, bơh ngai Saƀat do tus di ngai Saƀat ngkòi, jơh jơi poac să rơp tus mơ cùn khoai di đap Añ.

Jeremi 32:27

“Do, Añ la Jehôwa, Yàng Tom Trồ ală jơi poac să dê; gơs bơta lơi kalke Añ in sơl ơ?

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Mice 4:4

Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Luka 3:6

Mơ kòp jơi kòn mơnus rơp gŏ bơta dong klàs Yàng Tom Trồ dê.”

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 12:41

Esai đơs ală bơta hơ̆, bơh neh gŏ bơta gơklŏ Kơnràñ dê mơ đơs bơh Kơnràñ.

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Broă 2:17

‘Yàng Tom Trồ đơs lah: Tòm ală ngai lồi dut, Añ rơp tuh Hwềng Añ hơđang jơh ală poac să; Kòn klau mơ kòn ùr bol mê dê rơp đơs hwơr, Ală cau pơnu bol mê dê rơp gơs bơta gơtơnggŏ, Mơ ală cau kra bol mê dê rơp gơs bơta mpau.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.