Esai 40:3 - Sră Goh 2018

³ Gơs jơnau cau hòi driau lah: “Rcang tĕ gùng tòm ƀlàng ngềt ngơt Yàng Jehôwa in; bơsong tĕ gùng me tòm ƀlàng bràs Yàng Tom Trồ bol he in!

Esai 40:3 ပူးပေါင်းရင်းမြစ်များ

Đơs Crih 68:4

Đơs chò tĕ Yàng Tom Trồ in, đơs chò jòng ro tĕ sơnđan Kơnràñ; Đơs chò tĕ Kơnràñ in la Bơtau hào hơđang ală mhwal; Sơnđan Kơnràñ la Yàng Jehôwa, chò hòp tĕ di đap Kơnràñ!

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 40:4

Kòp nơm thòng rơp geh yò tơngguh hơđang, kòp mơnơm mơ dòr rơp lơh liah, ù tiah ò ring rơp geh pơnring, ală tiah kơh tiah mơnơm rơp gơlik gơs ƀlàng ring.

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Esai 49:11

Añ rơp lơh ală mơnơm Añ jê gơlik gùng lòt, mơ ală gùng me Añ jê rơp geh bơt bơtào.

Esai 57:14

Mơ rơp gơs jơnau đơs lah: “Bơt tĕ, bơt tĕ, wàs tĕ gùng lòt! Tă sang tĕ ală phan kơryan gùng lòt làng bol Añ jê.”

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Jang 1:23

Khai ho lah: “Añ la jơnau cau hòi driau tòm ƀlàng bràs lah: ‘Bơsong tĕ gùng Yàng dê,’” be gơnoar hwơr Esai neh đơs.