Esai 4:5 - Sră Goh 2018

⁵ Gen Yàng Jehôwa rơp crơng gơs hơđang làm jơh mơnơm Siôn mơ hơđang ală tiah cau neh tus pơjum, gơs dô puk mhwal ñhŭ tòm trồ ngai mơ dô nơm jrong ồs pơnđàng tòm trồ mang; ngan hơđang jơh bơta gơklŏ rơp gơs dô nơm bài kơrnìng.

Esai 4:5 ပူးပေါင်းရင်းမြစ်များ

Nehemi 9:12

Tòm trồ ngai, Kơnràñ neh ngui dô nơm jrong mhwal nàng lam bol khai. Mơ tòm trồ mang, Kơnràñ neh ngui dô nơm jrong ồs nàng sòl gùng bol khai pal lòt.

Đơs Crih 105:39

Kơnràñ ai mhwal jơm gòm bol khai, Mơ tòm trồ mang ai ồs nàng pơnđàng sòl.

Đơs Crih 111:1

Jòng ro Yàng Jehôwa! Añ rơp jơh nùs ưnngài Yàng Jehôwa Tòm mpồl cau song ngan mơ tòm mpồl jơnum dờng.

Đơs Crih 78:14

Tòm trồ ngai Kơnràñ ngui mhwal nàng tề lam bol khai, Tòm trồ mang ngui bơta àng jrong ồs dê.

Đơs Crih 85:9

Ngan bơta dong klàs Kơnràñ dê ơm rềp di ală cau duh rngòt di Kơnràñ, tồ bơta gơklŏ rgơi ơm tòm lơgar bol he.

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Lik Ejiptơ 14:24

Tòm àng drim, Yàng Jehôwa bơh di jrong ồs mơ mhwal tơmềt sền gŏ mpồl ling Ejiptơ gen Kơnràñ lơh bol khai in sơlồng sơlàng.

Lik Ejiptơ 24:16

mơ bơta gơklŏ Yàng Jehôwa dê ơm hơđang mơnơm Sinai. Tòm prau ngai, mhwal jơm gòm mơnơm, tus di ngai poh Yàng Jehôwa ơm tòm puk mhwal hòi Môise.

Lik Ejiptơ 26:1

Lơh tĕ Hìu Ing Duh Khoai mơ jơt blah bài kơrnìng mơ che dơmài lơbơn tàñ mơ che brài dà tơlir trồ, dà gur mơ dà pơrhê, gơs jing bơka ală rùp ceruƀim hàng mơnĕ.

Lik Ejiptơ 26:7

Lơh tĕ ală bài kơrnìng mơ sơnò be nàng gơs sàl tìm hơđang Hìu Ing Duh Khoai, jơh ală la jơt dùl blah.

Esai 32:18

Làng bol Añ jê rơp kis tòm tiah ring lơngai, ơm tòm tiah lơngap lơngai, mơ tòm tiah ơm rlô ring ngềt.

Esai 33:20

Sền tơnggòr tĕ Siôn, la ƀòn dờng sac rwah ngai pơjum sa bol he dê; Gar mat mê rơp gŏ Jerusalem, la tiah ơm ring lơngai, la dô nơm sàl rơp ò kòl tă pơrdô tai, ală gai jơrmơng gơ dê rơp ò tŭ lơi kòl bŭi, ò gơs dô dang che lơi gơ dê rơp gơkòl tac.

Esai 37:35

Añ rơp dong gàr ƀòn dờng do mơ dong tă gơ, tài bơh Añ mơ tài bơh Dabit la cau duh broă Añ jê!”

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Esai 60:1

Guh tĕ, pơnđàng sòl tĕ, bơh bơta àng mê dê neh tus, mơ bơta gơklŏ Yàng Jehôwa dê neh pơnđàng hơđang mê.

Esai 60:2

Bơh bơta jơngo rơp jơm gòm plai ù, bơta klam jơngo cik ală làng bol dê; mơya Yàng Jehôwa rơp pơnđàng sòl hơđang mê, mơ bơta gơklŏ Kơnràñ dê rơp tơlik să hơđang mê.

Mathiơ 18:20

Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”