Esai 4:4 - Sră Goh 2018

⁴ Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Esai 4:4 ပူးပေါင်းရင်းမြစ်များ

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Chò 3:11

Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 1:25

Añ rơp tơrwơl tê tòmdră mơ ai, Añ rơp tŏ tiar mơ lơh ai in gơs goh bơh di jơh ală bơta kung be è lòs, mơ tă sang jơh ală bơta ƀơ̆ ƀơl ai dê.

Esai 1:31

Cau gơnoar pràn rơp gơlik be dô nsồm sing ồs; mơ broă lơh khai dê be gơđat rnga ồs, bol khai mơ broă lơh bol khai dê rơp kong chu bal mơ gơp, ò gơs dô nă cau lơi đơp chơt gơ.”

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 28:6

Kơnràñ rơp la hwềng song ring cau lơi in nggui di tiah cahrña, bơta pràn kơldang cau lơi in tòmlơh di mpồng ƀòn dờng.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Esai 9:5

Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ejekiel 22:15

Añ rơp lơh ai in gơprah gơpring digùl ală làng bol, mơ Añ rơp rsìh ai tòm ală lơgar; mơ pơndut tơnlồi bơta ƀơ̆ ƀơl ai dê.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 36:29

Añ rơp dong tă bol mê klàs bơh di ală bơta ƀơ̆ iơh bol mê dê. Añ rơp ai kòi mbo mơ lơh gơ in gơlik gơs oă, mơ rơp ò tơndùh bơta jơgloh rung hơđang bol mê.

Jôel 3:21

Añ rơp sal wơl mhàm bol khai dê, mơ Añ rơp ò jùt glài iơh bơsak bol khai dê. Bơh Yàng Jehôwa ơm sùm tòm Siôn!

Sôphôni 3:1

Bòl glar ngan ƀòn gơkòl lơh ƀơ̆ ƀơl in! Ƀòn dờng jak rồn bơklơn!

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!