Esai 4:3 - Sră Goh 2018

³ Ală cau gam wơl tòm Siôn, mơ ală cau gam ơm wơl tòm Jerusalem, hơ̆ la jơh ală cau geh sơnđan la sàng goh, jơh tơl nă cau geh cih tòm sră cau kis dê tòm Jerusalem.

Esai 4:3 ပူးပေါင်းရင်းမြစ်များ

Đơs Crih 69:28

Dan jùt sơnđan bol khai bơh tòm sră bơta kis; Dan bañ cih sơnđan bol khai bal mơ ală cau song ring.

Đơs Crih 87:6

Tòm tŭ Yàng Jehôwa cih khà ală làng bol, gen Kơnràñ cih lah: “Cau do neh deh tòm Siôn.” (Selah)

Esai 1:27

Siôn rơp geh tơwài wơl mơ gơlik gơs song ngan, ală cau gơjrañ sang glài rê wơl gen rơp geh kòp la song ring.

Esai 28:5

Tòm ngai hơ̆, Yàng Jehôwa Gơnap Gơnoar Dờng rơp gơlik gơs sơgơn gơklŏ, mơ sơgơn bơkào hàng mơnĕ làng bol gam wơl Kơnràñ dê.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 46:3

Ơ hìu Jakôp, iat tĕ Añ, Ơ jơh ală bol mê la cau gam wơl hìu Israel dê, bol mê la ală cau Añ neh tơnggơs bơh tŭ mê pa deh, mơ cèng mê bơh tòm kơndul mè.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Ejekiel 13:9

Tê Añ rơp tòmdră mơ ală cau gơnoar hwơr gŏ bơta gơtơnggŏ tìs mơ đơs hwơr ma blac. Bol khai rơp ò gơrê bal mơ mpồl tơrña broă làng bol Añ jê hala geh cih mat tòm sră hìu Israel dê, mơ bol khai kung rơp ò geh mut tòm lơgar Israel dê. Gen bol mê rơp git Añ la Jehôwa Yàng Tom Trồ.

Ejekiel 43:12

Do la bơta boh lam hìu duh khoai dê: Jơh ală kơnhwàl gùt dar hơđang bồ mơnơm la tiah sàng goh ngan. Do la bơta boh lam hìu duh khoai dê.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.

Malaci 3:16

Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

Luka 10:20

Bulah behơ̆, bañ hòn chò bơh ală cà dòn duh bol mê, mơya hòn chò tĕ bơh sơnđan mat bol mê dê neh geh cih hơđang trồ.”

Broă 13:48

Tòm tŭ kơno jơnau hơ̆ gen làng bol bơdìh hòn chò ngan mơ jòng ro jơnau Yàng Tom Trồ, mơ ală cau neh geh lơh nền geh bơta kis gam sùm sùm gen gơlik gơs cau dòn.

Rôma 11:4

Mơya mbe Yàng Tom Trồ ho wơl mơ khai taih? “Añ neh prap lòi Añ in poh rbô nă cau klau ò cùn gơltang di đap Baal.”

Rôma 11:5

Ngai do kung behơ̆ sơl, gơs dô pơnah gam wơl jat bơta sac rwah bơh bơta nđàc.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 21:27

Ò gơs bơta ngkòr ngkàc lơi, ò gơs cau cù kìr lơi hala cau blac chừt lơi geh mut tềng hơ̆, mơya mìng ală cau neh geh cih sơnđan mat tòm sră bơta kis Belàt Kòn dê geh mut lơm.

Yal Tơlik 3:5

Cau lơi geh pha lin rlau gen rơp soh ào bò behơ̆ sơl. Añ rơp ò jùt sơnđan mat khai bơh di sră bơta kis, mơ Añ rơp yal tơlik sơnđan khai di đap Bèp Añ jê, mơ di đap ală cau gơnrơh Kơnràñ dê sơl.