Esai 4:1 - Sră Goh 2018

¹ Poh nă cau ùr rơp sơmbat kup dô nă cau klau tòm ngai hơ̆, mơ đơs lah: “Bol hi rơp sa phan tòm hi dê, soh ồi ào tòm hi dê; mìng lòi bol hi in geh hòi jat sơnđan mê dê; dan tă tơlik ngài bơta ƀàssìl bol hi dê!”

Esai 4:1 ပူးပေါင်းရင်းမြစ်များ

Sơnròp Gơlik Gơs 30:23

Khai bun, deh dô nă kòn klau mơ đơs lah: “Yàng Tom Trồ neh tă bơta ƀàssìl añ jê rau.”

II Samuel 6:23

Mơ Mikal kòn ùr Sol dê ò deh kòn jơl tus di ngai khai chơt.

Esai 10:20

Tòm ngai hơ̆, mpồl gam wơl Israel dê, la ală cau gam kis hìu Jakôp dê, rơp ò gam sơnđìng tai di dô nă cau neh lơh bol khai, mơya rơp sơnđìng di Yàng Jehôwa, Bơtau Sàng Goh Israel dê tòm jơnau song.

Esai 13:12

Añ lơh kòn mơnus in dô êt rlau mơ màh ngan, dô êt rlau mơ màh Ôphir dê.

Esai 17:7

“Tòm ngai hơ̆, cau rơp rmê sền di Bơtau Crơng Gơs he, mơ wèt mat tơnggòr di Bơtau Sàng Goh Israel dê.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 3:6

Gơs cau ƀà ting kup cau jơi bơtiàn he, dô nă tòm oh mi khai dê, mơ đơs lah: “Mê gơs dô blah ào jrùh; mê rơp lơh tĕ cau at bồ bol hi, mơ gơnru bơcah lề do, rơp ơm hơđơm bơta at bồ mê dê!”

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Luka 1:25

“Yàng neh ai añ in be do tòm ală ngai Kơnràñ nđàc sền di añ, nàng tă tơlik bơta ƀàssìl añ jê digùl ală cau.”

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

II Tesalônika 3:12

Bol hi ai sơnđan Yàng Jesu Krist nting sồr mơ bơto tơngkah ală cau hơ̆ pal ơm mŏ mŏ mơ lơh broă, mơ sa piang tê tòm he lơh.

I Samuel 1:6

Cau ƀoah gơjrañ kư̆ bơrcek oă ngan lơh khai in dơrcul, tài bơh Yàng Jehôwa neh lơh khai in kơnền.