Esai 39:2 - Sră Goh 2018

² Ejekia wă rò bol khai mơ sơnio bol khai in đam jàr phan màng, ală priă, màh, kơlhô, mơñà màng, jơh ală phan tòmlơh, mơ jơh ală phan màng khai dê. Ò gơs phan lơi tòm gơlang khai dê mơ tòm jơh lơgar khai dê mơ Ejekia ò sơnio bol khai in sền.

Esai 39:2 ပူးပေါင်းရင်းမြစ်များ

I Ală Bơtau 10:10

Bơtau ùr ơn bơtau in dô rhiang bàr jơt talơng màh mơ oă ngan sơnơm ƀô bơlhu bal mơ lŭ màng. Òhềt tŭ lơi gơs cau cèng sơnơm ƀô bơlhu tus gơs khà dờng ngan ndròm be bơtau ùr lơgar Seba neh ai bơtau Salômôn in.

I Ală Bơtau 10:15

Di gah hơ̆, la ală màh bơh ală cau kă bro mơ bơh ală cau lòt pơrgơl phan mơna, mơ màh bơh jơh ală cau bơtau Arabi, mơ ală cau kwang đơng lơgar dê.

I Ală Bơtau 10:2

Mò tus tòm Jerusalem bal mơ dô mpồl gal ngan cau duh broă, làkđa pơdiang sơnơm ƀô bơlhu, oă màh mơ lŭ màng. Tòm tŭ mò tus hơ Salômôn, mò đơs mơ bơtau jơh ală bơta gơs tòm nùs mò dê.

I Ală Bơtau 10:25

Kòp nă tòm bol khai cèng dô nơm phan pà, jat nùs cèng tus cờu mơ priă mơ màh, ồi ào, phan tòmlơh, sơnơm ƀô, ơseh, mơ alàng ơseh oă ngan kòp nam.

II Ală Bơtau 20:13

Ejekia wă rò bol hơ̆, mơ sơnio bol khai in jơh đam jàr gơlang bơtau, priă, màh, sơnơm bơlhu, mơñà màng, ală phan tòmlơh, mơ ală phan tòm đam jàr khai dê. Ò gơs phan lơi tòm gơlang hala tòm lơgar mơ Ejekia ò sơnio bol khai in.

II Yal Yau 32:25

Mơya Ejekia ò lơh di pal jat be bơta lơbơn niam mơ Yàng Tom Trồ neh lơh gơwèt mơ khai, gen tàng bơta gơjrañ dờng Yàng Jehôwa dê tus hơđang khai mơ hơđang Juda mơ Jerusalem.

II Yal Yau 32:27

Ejekia gơlik pas sơm mơ geh jòng ro ngan, mơ khai bơt ală đam jàr nàng prap priă màh mơ ală lŭ màng, ală sơnơm ƀô bơlhu, ală khèl mơ tơl ală phan kas màng.

II Yal Yau 32:31

Kung behơ̆ bơh bơta gơs mpồl cau kong sồr bơh ală cau at bồ Babilôn dê, tus nàng lùp khai bơh tềl krơi neh gơlik gơs tòm lơgar, Yàng Tom Trồ sang lòi khai nàng lòng khai mơ nàng git jơh ală bơta tòm nùs khai dê.

II Yal Yau 9:1

Tòm tŭ bơtau ùr Seba kơno bơh bơta tiơng pơnro Salômôn dê, khai lòt hơ Jerusalem nàng lòng Salômôn mơ ală sèng lùp kalke, gơs dô mpồl gal ngan, mơ ală làkđa pơdiang ală sơnơm ƀô bơlhu, mơ oă ngan màh mơ lŭ màng. Tòm tŭ khai tus hơ Salômôn gen tòmbơhbơr mơ khai bơh jơh ală bơta neh gơs tòm dơngoh khai dê.

II Yal Yau 9:9

Gen khai ai bơtau in dô rhiang bàr jơt talơng màh, oă ngan sơnơm ƀô bơlhu mơ lŭ màng. Bơh òhềt gơs ală sơnơm ƀô bơlhu ndròm be sơnơm ƀô bơlhu mơ bơtau ùr Seba neh ai bơtau Salômôn in.

Sră Jop 31:25

Dilah añ neh hòn chò bơh bơta pas gơs añ jê la dờng, Mơ bơh tê añ neh geh oă phan mơna;

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

II Kôrintô 12:7

Mơ rngòt añ yò tơngguh is să añ oă bơh bơta yal tơlik dờng màng rlau jơh, gen neh ai dô nơm mŭ yar tòm poac añ, hơ̆ la dô nă cau kong sồr cà Satan dê neh pù lơh añ, tồ añ in ò yò tơngguh is să añ oă ir.

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.