5 “Lòt tĕ đơs mơ Ejekia lah: Yàng Jehôwa la Yàng Tom Trồ Dabit, ồng pàng mê dê, đơs be do: ‘Añ neh kơno jơnau hòi dan mê dê mơ neh gŏ dà mat mê dê, Añ rơp ai bơtơl rài kis mê in jơt pram nam tai.
Gen tàng, Ơ Jehôwa, Yàng Tom Trồ Israel dê! Dan prap gàr ală jơnau Yàng neh ho mơ dĭ gơna Kơnràñ dê la Dabit, bèp añ jê lah: ‘Rơp ò siơ̆u cau pơrdòn mê, nggui di sơbàn Israel dê di đap Añ; dilah kòn sau mê kơrhia ală gùng dà bol khai dê, lòt di đap Añ, tòm toh be mê neh lòt di đap Añ.’
‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ? Kơnràñ ò di la Yàng Tom Trồ cau chơt dê ò, mơya la Yàng cau kis dê.”
Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.