Esai 38:3 - Sră Goh 2018

³ “Khoai Yàng Jehôwa, añ rac dan mơ Yàng, dan kah wơl mbe añ neh dòn song dô bă jơh nùs cơnđòa lòt di đap Yàng, mơ neh lơh ală broă niam di đap Kơnràñ!” Chòp, Ejekia ñìm rac sràt bơtang ngan.

Esai 38:3 ပူးပေါင်းရင်းမြစ်များ

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

I Ală Bơtau 15:14

Mơya ală tiah jơnhoa gen ò tă sang; bulah behơ̆, nùs Asa la song mơ Yàng Jehôwa jơl jơh rài kis khai.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

II Ală Bơtau 18:3

Khai lơh bơta niam di đap Yàng Jehôwa tòm toh be Dabit, ồng pàng khai dê neh lơh.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

I Yal Yau 29:9

Behơ̆ làng bol hòn chò bơh ală cau kwang hơ̆ niam nùs ơn phan bol khai dê, bơh bol khai jơh nùs mơ khat gơboh ơn Yàng Jehôwa in. Bơtau Dabit kung hòn chò dờng ngan.

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

II Yal Yau 25:2

Khai lơh bơta di niam di đap mat Yàng Jehôwa, mơya òhềt jơh nùs song ngan.

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 13:14

Ơ Yàng Tom Trồ! Dan kah añ bơh bơta do, bañ jùt ală broă niam añ neh lơh hìu duh khoai Yàng Tom Trồ añ in mơ tòm ală bơta duh broă.

Nehemi 13:22

Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Nehemi 13:31

mơ añ kung rcang lòng nàng ơn phan duh khoai, jat tŭ tơngai neh lơh nền, mơ ơn ală plai đo bồ sơnam. Ơ Yàng Tom Trồ añ! Dan kah añ bơh bơta lơngai niam Kơnràñ dê!

Nehemi 5:19

Ơ Yàng Tom Trồ añ jê, dan kah bơh broă niam añ jê, jơh ală broă añ neh lơh làng bol do in.

Đơs Crih 101:2

Añ rơp bơtê lòt jat gùng dà ò gơkòl lah pơrhơng. Tŭ lơi sồng añ rơp tus di bơta hơ̆ taih? Añ rơp cơnđòa lòt bơh nùs song ngan tòm hìu añ jê;

Đơs Crih 102:9

Bơh añ sa bùh be sa piang lă, Mơ dà mat añ jê gơcrài bal mơ phan ñô,

Đơs Crih 119:80

Lòi añ in gơs nùs ò gơs tiah geh lah pơrhơng gơwèt hơ ală jơnau sồr Yàng dê, Tồ añ in ò kòl ƀàssìl.

Đơs Crih 16:8

Añ òs lòi Yàng Jehôwa ơm di đap añ; Añ ò gơs tŭ lơi wañ lơnggơh, tài bơh Kơnràñ ơm đah ma añ.

Đơs Crih 26:3

Bơh bơta kòñ gơboh kơ̆ dơn Kơnràñ dê ơn di đap mat añ. Mơ añ lơh lòt tòm bơta dòn song mơ Kơnràñ.

Đơs Crih 32:2

Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

Đơs Crih 6:6

Añ bòl glar tài bơh añ rac ròc; Kòp mang añ ñìm oă ngan hơđang cơnòng bic añ jê, Lơh gơ in sùh mơ dà mat.

Đơs Crih 6:8

Ơ jơh ală cau lơh bơta tồi glài iơh bơsak ne, dô tĕ ngài bơh di añ; Bơh Yàng Jehôwa neh kơno jơnau ñìm rac añ jê.

Esai 38:2

Gen Ejekia wèt mat di dơrñang hìu mơ hòi dan mơ Yàng Jehôwa lah:

Esai 38:4

Gen gơs jơnau Yàng Jehôwa đơs mơ Esai lah:

Sră Ôse 12:4

Tòm hìu kòn, khai at di kơndòl jơng bi khai dê, tòm tŭ dờng khai tòmpơt mơ Yàng Tom Trồ.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Yal Wơl 6:18

Lơh tĕ bơta lơi dimơ niam di đap Yàng Jehôwa, nàng ală bơta rơp gơlik niam bol mê in, mơ bol mê rgơi mut mơ dòp geh lơgar niam mơ Yàng Jehôwa neh srat să ho ai ală ồng pàng bol mê in,

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.