Esai 38:16 - Sră Goh 2018

¹⁶ Ơ Yàng, cau geh kis la kơnòm di ală bơta hơ̆; mơ tòm ală bơta hơ̆ la bơta kis hwềng soàn añ jê. Ơ Yàng dan bơtào wơl añ nàng sơmbòi añ, mơ lơh añ in kis.”

Esai 38:16 ပူးပေါင်းရင်းမြစ်များ

Đơs Crih 119:25

Hwềng soàn añ gơtơmù tòm kơmbuh ù; Dan lơh añ in kis wơl jat be jơnau Yàng dê.

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 30:3

Ơ Yàng Jehôwa, Kơnràñ neh cèng hwềng soàn añ guh bơh lơgar Làng ƀồc, Neh prap lòi bơta kis wơl añ bơh digùl ală cau neh mù tòm bơtô.

Đơs Crih 39:13

Dan bañ sền trol di añ nàng añ ñŏ chò hòp wơl, Lài mơ tŭ añ lòt thit, mơ añ ò gam tai.”

Đơs Crih 71:20

Kơnràñ neh ai añ in gŏ oă ngan bơta bòl glar jê sồt, Kơnràñ kung rơp lơh añ in geh kis wơl, Mơ cèng añ guh bơh di tiah cìr jrô ù dê.

Esai 64:5

Kơnràñ neh tus tìp ală cau chò hòp lơh bơta di, la ală cau kah bơh Yàng mơ lòt tòm ală gùng dà Kơnràñ dê. Mơya tòm tŭ bol hi kư̆ tìs glài tòmdră, gen Kơnràñ neh gơhào gơjrañ. Tài bơh Kơnràñ neh pồn să tòm Kơnràñ bơh bơta tìs glài bol hi dê.

Mathiơ 4:4

Kơnràñ ho lah: “Gơs jơnau cih lah: ‘Kòn mơnus kis ò di mìng kơnòm di piang lă lơm ò, mơya kung kơnòm di ală jơnau đơs lik bơh di bơr Yàng Tom Trồ sơl.’”

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Yal Wơl 8:3

Kơnràñ tơnliah bol mê, lơh bol mê in kong jơgloh lồc behơ̆ siam bol mê mơ mana mơ bol mê hala ồng pàng bol mê dê kung òhềt tŭ lơi git, nàng bơto bol mê in git lah kòn mơnus ò di kis bơh piang lă lơm ò, mơya bơh kòp jơnau neh đơs bơh bơr Yàng Jehôwa dê.

Hebrơ 12:9

Mơ tai, bol he neh gơs bèp đah poac să lơh glài tơmàl, mơ bol he duh rngòt di bol khai, tơ ài lah Bèp đah hwềng gen bol he ò dòn duh sơlo rlau tai nàng geh kis ò ơ?