Esai 37:3 - Sră Goh 2018

³ Bol khai đơs mơ khai lah: “Bơtau Ejekia đơs be do: ‘Ngai do la dô ngai rung rài, lah pơrhơng, mơ ƀàssìl; kung be neh tus di tŭ deh kòn rau mơya ò tơl pràn nàng deh.

Esai 37:3 ပူးပေါင်းရင်းမြစ်များ

II Ală Bơtau 19:3

Bol khai đơs mơ Esai lah: “Ejekia đơs be do: ‘Ngai do la dô ngai bòl glar, dơñŏ tơnhial, òsơp òso; kòn oh nga neh tus di ngai deh, mơya ò tơl pràn nàng deh kòn.

II Yal Yau 15:4

Mơya tòm tŭ tòm bơta bòl glar kalke, bol khai rê wơl hơ Yàng Jehôwa la Yàng Tom Trồ Israel dê, bol khai jòi mơ bàn Kơnràñ.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Đơs Crih 95:8

Bañ kơldang nùs be tòm Meriba, Be tòm ngai tòm Masa tòm ƀlàng ngềt ngơt,

Esai 22:5

Bơh Yàng Jehôwa la Yàng Tom Trồ Gơnap Gơnoar Dờng neh gơs dô ngai nggồr nggàc, jă trơm mơ sơlồng sơlàng tòm thòng bơta gơtơnggŏ, dô ngai nàng phà tơrlah ală dơrñang, hòi driau bơta dong kòl hơ ală mơnơm.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Esai 33:2

Ơ Yàng Jehôwa, dan nđàc sơngit di bol hi; bol hi kơp gơn Yàng; dan ai bơta pràn kơldang bol hi in kòp àng drim, bơta dong klàs bol hi in tòm tŭ bòl glar!

Esai 66:7

Lài mơ tŭ òhềt jê deh, khai neh deh kòn; lài mơ tŭ òhềt tus bơta jê deh, khai neh deh dô nă kòn klau.

Esai 66:9

Yàng Jehôwa đơs lah: “Añ neh lơh hìu kòn gơ pò, mơ Añ ò ai deh kòn sơl ơ? Yàng Jehôwa bol mê dê đơs behơ̆. Añ la cau neh ai gơnoar deh kòn, mơ kơryan hìu kòn ơ?” Yàng Tom Trồ mê dê đơs behơ̆.

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Sră Ôse 5:9

Epraim rơp gơlik gơs tiah ngềt ngơt tòm ngai bơta lơh glài. Digùl ală jơi bơtiàn Israel dê, Añ yal tơnggit ală bơta rơp gơlik gơs nền cê ngan.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.