Esai 37:2 - Sră Goh 2018

² Bơtau sồr Eliakim la cau kwang at bồ gơlang, Sepna la cau gơnoar cih mơ ală cau gơnoar at bồ ơn phan duh khoai jòng sơnam, jơh tơl nă soh ƀào sơnò kiat, tus hơ cau gơnoar hwơr Esai, kòn klau Amôs dê.

Esai 37:2 ပူးပေါင်းရင်းမြစ်များ

II Ală Bơtau 18:18

Tòm tŭ bol khai hòi mơ bơtau. Gen Eliakim, kòn klau Hilkia, kwang at bồ hìu gơlang, Sepna, cau gơnoar cih, mơ Jôa kòn Asap dê, kwang cih bơta bơyai broă lik lòt tus mơ bol khai.

II Ală Bơtau 19:2

Mơ khai sồr Eliakim, kwang at bồ hìu gơlang, Sepna cau gơnoar cih, mơ ală cau gơnoar ơn phan duh khoai kra rlau jơh, soh ào bài sơnò kiat, tus hơ Esai cau gơnoar hwơr kòn klau Amôs.

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

Este 4:1

Tòm tŭ Mordike neh kơno jơh ală bơta neh gơlik gơs rau, khai crè ồi ào khai dê, soh ƀào sơnò kiat mơ ơm tòm bùh, lòt làm ƀòn dờng, ñìm rac dờng jơnau dô bă sràt bơtang ngan.

Esai 1:1

Tòm rài at bồ ală cau bơtau Ôsia, Jôtham, Aca mơ Ejekia la ală cau bơtau lơgar Juda dê, gen Esai kòn klau Amôs gơs bơta gơtơnggŏ bơh lơgar Juda mơ ƀòn dờng Jerusalem.

Esai 20:2

tòm tŭ hơ̆, Yàng Jehôwa kơnòm di Esai, kòn klau Amôs, mơ đơs lah: “Hồ tĕ ƀào sơnò kiat bơh di să mê, mơ gơltau jă bơh di jơng mê.” Esai lơh jat, lòt gùt dar să kuh mơ jơng gòi.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 22:15

Yàng Jehôwa Gơnap Gơnoar Dờng neh đơs: “Lòt tĕ, đơs mơ cau sền gàr đam jàr la Sepna, la cau gơnoar at bồ gơlang bơtau dê mơ lah:

Esai 22:20

Tòm ngai hơ̆, Añ rơp hòi cau duh broă Añ jê la Eliakim, kòn klau Hilkia,

Esai 36:3

Gen gơs Eliakim, kòn klau Hilkia, la cau kwang at bồ gơlang bơtau, Sepna la cau gơnoar cih, mơ Jôa kòn klau Asap dê, la cau kwang cih sră yal yau lơgar dê lòt tus hơ khai.

Esai 37:14

Ejekia neh dòp sră pơyoa bơh tê cau kong sồr lòt mơ sền gơ, lồc behơ̆ khai guh hơ hìu duh khoai Yàng Jehôwa mơ pò sră hơ̆ di đap Yàng Jehôwa.

Esai 37:21

Gen Esai, kòn klau Amôs dê, pơyoa jơnau yal tus hơ bơtau Ejekia lah: “Do la jơnau đơs Jehôwa Yàng Tom Trồ Israel dê: Tài bơh mê neh hòi dan mơ Añ bơh jơnau Sennacerip, bơtau Asiri;

Esai 38:1

Tòm ală ngai hơ̆, Ejekia gơlik kòp jê mòr chơt. Cau gơnoar hwơr Esai, kòn klau Amôs dê, lòt tus hơ khai mơ đơs lah: “Yàng Jehôwa đơs be do; ‘Rơndap tĕ ală bơta tòm hìu mê dê, bơh mê rơp chơt, ò geh sơmbòi.’”

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.