Esai 32:4 - Sră Goh 2018

⁴ Nùs tồr cau sơrbac sơrbang rơp gơs bơta àng loh nàng cahrña, mơ ală lơmpiat cau gă rơp đơs ƀuơn soh mơ loh làng.

Esai 32:4 ပူးပေါင်းရင်းမြစ်များ

Lik Ejiptơ 4:11

Gen Yàng Jehôwa đơs mơ khai lah: “Ñcau neh ai kòn mơnus in gơs bơr taih? Ñcau lơh khai in tĭ hala kloat taih? Ñcau ai khai in sền gŏ hala lơh mat khai in jơngo taih? Ò di la Añ, la Yàng Jehôwa ò ơ?

Đơs Chò 7:9

Mơ bơr ai dê be tơrnòm bơkah. Hòr lik ƀuơn soh bơh sơndồi mơ sề.

Esai 29:24

Ală cau gơs hwềng nùs wil wơl rơp dòp geh bơta git wă; ală cau òs ƀoah pơrhiat rơp dòp jơnau bơto sồr.”

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 35:5

Gen mat cau jơngo rơp geh àng, tồr cau tĭ rơp geh kơno.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 6:7

Jơnau Yàng Tom Trồ dê sơlo ngai sơlo gơ lòt ơnàng, khà cau bơtê tòm Jerusalem sơlo gơbơtơl oă ngan; kung gơs oă cau gơnoar ơn phan duh khoai dòn dòp Yàng sơl.

Galati 1:23

Bol khai mìng kơno lah: “Cau neh kup kơryan bol he lài òr, tŭ do bơto yal jơnau niam la jơnau lài òr khai neh jơh nùs tơnroh.”