Esai 30:3 - Sră Goh 2018

³ Gen tàng bơta sền gàr Pharaôn dê rơp gơlik bơta ƀàssìl bol mê in, mƀur Ejiptơ dê rơp cèng bơta sền òsơp bol mê in.

Esai 30:3 ပူးပေါင်းရင်းမြစ်များ

II Ală Bơtau 18:21

Sền tĕ, tŭ do mê dòn kơnòm di Ejiptơ, dô nơm tòm proh neh pă; bơh cau lơi sơnđìng di gơ, gen rơp yar bluh tê. Dilah cau lơi kơnòm di Pharaôn bơtau Ejiptơ, gen rơp kong behơ̆.

Đơs Crih 108:12

Dan Yàng dong kòl bol hi tòmdră mơ cau sò tơm, Bơh bơta dong kòl kòn mơnus dê la ò kwơ.

Jơnau Pơnđik 25:19

Dòn kơnòm di cau ò dòn song tòm ngai gơlòng bòl glar, tòm toh be sề pơh, hala jơng kwet gơlte.

Esai 20:5

Mơ bol khai rơp rngòt rngơt mơ roh gơn kơnòm tài bơh bol khai gơn kơnòm di Ethiôpi mơ jòng să bơh Ejiptơ.

Esai 20:6

Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”

Esai 36:6

Sền ne, mê kơnòm di Ejiptơ la dô nơm tòm proh pă lơh gơs gai jra, cau lơi sơnđìng di gơ gen rơp srơp bluh tê! Pharaôn bơtau Ejiptơ, gơwèt mơ jơh ală cau gơn kơnòm di khai la behơ̆.

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 46:25

Yàng Jehôwa Gơnap Gơnoar Dờng, Yàng Tom Trồ Israel dê, đơs lah: “Do, Añ rơp lơh glài Ammôn, la yàng Nô dê, bal mơ Pharaôn, mơ Ejiptơ, bal mơ ală yàng mơ ală bơtau gơ dê: hơ̆ la Pharaôn bal mơ ală cau gơn kơnòm di khai.

Ejekiel 29:7

Tòm tŭ bol khai at mê mơ tê bol khai dê gen mê pă, mơ lơh gơcrè pơnì bol khai dê; tòm tŭ bol khai sơnđìng di mê gen mê pă mơ lơh jơng bol khai gơglih.’

Sră Ôse 10:6

Bơh să tòm gơ kung rơp kong cèng tus hơ Asiri lơh gơs phan ơn cau bơtau dờng lơgar hơ̆ in. Epraim rơp kong sền òsơp, mơ Israel rơp kong ƀàssìl ƀàsso bơh ală rùp ràk bol khai dê.

Rôma 10:11

Sră Goh đơs lah: “Cau lơi dòn di Kơnràñ gen rơp ò roh bơta gơn kơnòm.”

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.