Esai 3:9 - Sră Goh 2018

⁹ Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Esai 3:9 ပူးပေါင်းရင်းမြစ်များ

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 19:34

Ngai hìng bi đơs mơ oh lah: “Do, mang ti añ neh bic mơ bèp rau, mang do he tơñô tơrnòm bèp in tai, gen ai lòt bic tĕ bal mơ khai nàng lòi gơs sơntìl bèp dê.”

Sơnròp Gơlik Gơs 4:5

mơya ò bài sền Kain mơ kung ò dòp phan ơn khai dê, behơ̆ Kain gơjrañ ngan mơ tun mat.

II Ală Bơtau 9:30

Tòm tŭ Jehu lòt tus hơ Jejreel, gen Jesebel kơno bơta hơ̆; khai bong muh mat, bơka sŏ, mơ tơnggòr bơh di mpồng dềt.

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Jơnau Pơnđik 15:32

Cau lơi sang lòi bơta bơto tơngkah sền òsơp hwềng soàn bol khai dê; Mơya cau lơi iat jơnau lah pơrhơng geh bơta git wă.

Jơnau Pơnđik 30:13

Gơs dô jơi bơtiàn muh mat lơh be tòm, gơs ală cau gơs mat pơnhừ să!

Jơnau Pơnđik 8:36

Mơya cau lơi hŭi añ, lơh iơh is di hwềng soàn bol khai dê; Ai cau lơi gơjrañ añ, ngan kòñ gơboh bơta chơt.”

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Esai 3:16

Yàng Jehôwa đơs lah: “Tài bơh ală kòn ùr Siôn dê pơnhừ să, pò jòng ngko mơ lik lòt, lơngoh lơngeh sơrkềng gar mat jà pơndòm. Yuơt să tòm tŭ bol khai cơnđòa lòt, lơh ntas kòng di jơng.

Esai 57:20

Mơya ală cau iơh bơsak ò gơkrơi kung be dàlềng gơlơnggac, gơ ò rgơi ơm ring lơngai, ală ryà dà gơtơngguh bŏ bil ƀơ̆ ƀơl lơm.”

Esai 59:12

Bơh ală bơta tìs glài bol hi dê la oă ngan di đap mat Kơnràñ, mơ ală tồi glài bol hi dê lơh cơng tòmdră mơ bol hi. Ală bơta tìs glài bol hi dê gơ ơm sùm sùm mơ bol hi, mơ bol hi git ală bơta tồi glài iơh bơsak bol hi dê:

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 16:30

Jehôwa Yàng Tom Trồ đơs lah: ‘Ai gơs nùs hàm kòñ ò git nđò tòm tŭ ai neh lơh jơh ală bơta hơ̆, lơh kung be dô nă cau ùr dri ò git ƀàssìl ƀàsso!

Ejekiel 16:49

Do la bơta tồi glài oh ùr ai dê la Sôdôm: Khai mơ ală kòn ùr khai dê pơnhừ să, jròk ñô sa, mơ ò git kơlôi bơh cau lơi; bol khai ò dong kòl ală cau rƀah lơòi mơ siơ̆u siar.

Ejekiel 23:16

Tòm tŭ pa gŏ bol khai gen khai neh gơs nùs hàm kòñ bol khai, mơ sồr ală cau kong sồr lòt tus hơ bol khai tòm Kalde.

Daniel 7:20

Añ kung kòñ git jơnau gơtha bơh jơt nơm ngke di bồ gơ, mơ bơh dô nơm ngke ndai gơhòn lik tơnơ̆, mơ di đap ngke hơ̆ pe nơm ngke ne neh gơkòl tă tơlik, ngke hơ̆ gơs ală mat mơ bơr đơs ală jơnau tràl sơrbil, mơ gơ pràn kơldang rlau mơ ală ngke ndai.

Sră Ôse 13:9

Ơ Israel, Añ rơp tơnroh mê, ñcau rơp dong kòl mê taih?

Sră Ôse 5:5

Bơta pơnhừ să Israel dê lơh cơng tòmdră wơl mơ bol khai, Epraim gơpừ tòm tồi glài bol khai dê; Juda kung gơplơ̆ bal mơ bol khai sơl.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

I Samuel 15:32

Gen Samuel đơs lah: “Cèng tĕ Agak bơtau cau Amalek tus hơ añ tềng do.” Agak hòn chò lòt tus hơ khai, mơ kơlôi lah; “Di ngan do la bơta sràt bơtang bơta chơt dê neh rlau rau.”