Esai 3:8 - Sră Goh 2018

⁸ Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 3:8 ပူးပေါင်းရင်းမြစ်များ

II Yal Yau 28:18

Tòm tŭ ală cau Philistin phà kơñau ală ƀòn dờng di jơng mơnơm mơ đah đơm Juda, mơ neh tòmpìt ai Bet Semet, Aijalôn, Gederôt, Sôkô mơ ală ƀòn gơ dê, Timna mơ ală ƀòn gơ dê, Gimjô mơ ală ƀòn gơ dê; mơ bol khai ơm tòm hơ̆.

II Yal Yau 33:11

Behơ̆ Yàng Jehôwa neh cèng tus ală cau at bồ mpồl ling bơtau Asiri dê, bol khai kup jàm Manase, ơn dô nơm gai kwĕ di muh khai, kơt khai mơ che sreng kòng mơ cèng khai tus hơ Babilôn.

Jơnau Pơnđik 26:27

Cau lơi tò trồm rơp dùh tềng hơ̆; cau lơi pơrlă pơnai lŭ, lŭ rơp klơn wơl di khai.

Esai 1:7

Lơgar bol mê dê kong sang lòi ngềt ngơt, ală ƀòn dờng bol mê dê kong chu mơ ồs; di đap mat bol mê cau lơgar bơdìh tòmpìt ù tiah bol mê dê, gơkòl sang lòi ngềt ngơt be tòm tŭ ală cau làng bol bơdìh lơh gơprah gơpring.

Esai 49:19

Bulah mê neh gơprah gơpring mơ kòl sang ngềt ngơt, mơ lơgar mê dê gơkòl lòi srau gòi, tŭ do mê rơp gơlik gơs hat hal làng bol mê in, mơ ală cau neh sa loan mê rơp ơm ngài bơh di mê.

Esai 57:4

Bol mê sền òsơp di ñcau taih? Bol mê hel lơmpiat dơñŏ tơnhial di ñcau taih? Bol mê ò di la jơi bơtiàn cau jak tòmdră, kòn sau ală cau đơs blac ò ơ?

Esai 59:3

Bơh tê bol mê dê neh ƀơ̆ ƀơl bơh mhàm, ràs tê bol mê dê neh ƀơ̆ ƀơl bơh tìs glài. Sơndồi bol mê neh đơs blac, mơ lơmpiat bol mê đơs òm bơta iơh.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 23:36

Tŭ hơ̆ bañ đơs ‘Ơnòng kơnjơ̆ Yàng Jehôwa dê tai;’ bơh jơnau đơs kòp nă cau dê rơp la dô nơm ơnòng kơnjơ̆ khai dê, bơh bol mê neh lơh tìs ală jơnau đơs Yàng Tom Trồ kis gam sùm dê, Yàng Jehôwa Gơnap Gơnoar, Yàng Tom Trồ bol he dê.

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 44:3

tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Sră Ôse 5:5

Bơta pơnhừ să Israel dê lơh cơng tòmdră wơl mơ bol khai, Epraim gơpừ tòm tồi glài bol khai dê; Juda kung gơplơ̆ bal mơ bol khai sơl.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

I Kôrintô 10:22

Hala bol he kòñ lơh Yàng in ƀoah pơrñat ơ? Bol he pràn rlau mơ Kơnràñ ơ?

Jude 1:15

nàng cahrña, mơ lơh nền glài jơh ală cau ò duh rngòt Yàng Tom Trồ bơh jơh ală broă ò duh rngòt bol khai dê, mơ bơh jơh ală jơnau tràl sơrbil mơ cau glài ò duh rngòt neh đơs tòmdră mơ Kơnràñ.”