Esai 3:5 - Sră Goh 2018

⁵ Làng bol rơp kong rồn bơklơn, kòp nă tòmdră mơ cau ndai, gơp ƀòn tòmdră mơ gơp ƀòn; cau pơnu rơp dờng nùs mơ cau kra, cau ò diă ò diơng ò duh rngòt cau ryŭ ryơm.

Esai 3:5 ပူးပေါင်းရင်းမြစ်များ

II Ală Bơtau 2:23

Bơh tềng hơ̆, Elise guh tus hơ Betel; mơ tòm tŭ khai gam lòt rò gùng, gơs ală cau kơnòm klau lik bơh ƀòn dờng bơrsèl tơnhial khai, lah: “Lòt ngài tĕ ơ cau lòl bồ! Lòt ngài tĕ ơ cau lòl bồ!”

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 11:13

Bơta ƀoah gơjrañ Epraim dê rơp roh thit, cau sò tơm di Juda rơp kong tơnroh; Epraim rơp ò ƀoah gơjrañ di Juda, Juda kung ò gơjrañ kơuềng gơwèt mơ Epraim tai.

Esai 19:2

Añ rơp chồl cau Ejiptơ tòmdră mơ cau Ejiptơ, cau do rơp tòmlơh mơ cau ne, cau gơp ƀòn tòmdră mơ cau gơp ƀòn, ƀòn dờng tòmdră mơ ƀòn dờng, lơgar tòmdră bal mơ lơgar.

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Sacari 11:6

Yàng Jehôwa đơs lah: “Añ rơp ò gam nđàc sơngit di ală cau ơm tòm ù, Añ rơp jào kòp nă bol khai tòm tê cau gơp ƀòn mơ cau bơtau bol khai dê. Bol khai rơp tơnroh ù tiah, mơ Añ rơp ò dong tă dô nă cau lơi klàs bơh di tê bol hơ̆ dê.”

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 26:67

Gen bol khai choh di mat Kơnràñ mơ pòng lơh di Kơnràñ; cau ƀà pah Kơnràñ,

Jơnau Niam Jat Mak 14:65

Gơs cau choh di Kơnràñ, lềt mat Kơnràñ, tap di Kơnràñ mơ đơs mơ Kơnràñ lah: “Đơs hwơr tĕ ih!” Ală cau ling sơmbat di Kơnràñ mơ pah Kơnràñ.

Luka 22:64

Pùt dơp mat Yàng, gen lùp lah: “Đơs hwơr tĕ! Ñcau neh pù lơh mê taih?”

Jakơ 2:6

Mơya oh mi lơh cau rƀah in ƀàssìl. Hơ̆ ò di la cau pas gơs rồn bơklơn oh mi, mơ hwài oh mi lòt tus di tiah cahrña ò ơ?

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.