Esai 3:23 - Sră Goh 2018

²³ ală krơh triang muh mat, ală ồi ào mơ bài che dơmài lơbơn, ală sơgơn dềt, mơ ală chèo at tòm tê.

Esai 3:23 ပူးပေါင်းရင်းမြစ်များ

Sơnròp Gơlik Gơs 24:65

Mơ khai lùp cau dĭ lah: “Cau klau lòt tòm ƀlàng hơ̆ tus mơ bol he la ñcau taih?” Cau dĭ ho lah: “Hơ̆ la cau tòm añ.” Gen cau ơruh ai chèo mơ kìng mat khai.

Sơnròp Gơlik Gơs 41:42

Pharaôn hồ sơmbiat bơh di tê khai dê mơ tơndò di tê Jôsep, mơ tơnsoh ào mơ bài che dơmài mơ tơnwan rơnjài màh di ngko khai.

I Yal Yau 15:27

Dabit neh soh dô nơm ào jrùh mơ bài che dơmài lơbơn, jơh ală cau Lebi tùng Đài Ho Bal kung soh behơ̆ bal mơ ală cau đơs chò mơ Kenania la cau lam bồ ală mpồl đơs chò sơl. Dabit kung soh dô nơm ephot mơ bài che dơmài.

Lik Ejiptơ 38:8

Bol khai ngui kòng lơh krơh triang muh mat ală cau ùr duh broă di mpồng mut Sàl Tòm Mat dê nàng lơh gơs dô nơm thùng bal mơ jơng ơn gơ dê.

Đơs Chò 5:7

Ală cau ling kơp gàr gùt dar ƀòn tìp añ, bol khai pù lơh añ, mơ lơh añ in jê sồt; ală cau ling kơp gàr dơrñang ƀòn dờng tă ào jrùh añ jê.

Esai 3:22

ală ào jrùh hàng mơnĕ mơ ală ào bơdìh liah tê, ală ào nggòc, mơ ală kơldung dềt at tê;

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Esai 47:2

Ai tĕ mpal lŭ gì kơmbuh phe; tă tĕ chèo gòm mat, srŭi tĕ ồi mbơn ai dê, lòi jơng gòi; nàng tiă dà hiòng.

Ejekiel 16:10

Añ tơnsoh ào jing bơka niam ai in, mơ tơnjă khŏ mơ gơltau niam. Añ pùt ai tòm bài che dơmài lơbơn, mơ jơm gòm ai mơ bài kas màng.

Sacari 3:5

Gen añ đơs lah: “Kơt tĕ che pùt bồ sàng goh di bồ khai.” Behơ̆, bol khai kơt di bồ khai dô nơm che pùt bồ sàng goh, mơ tơnsoh ồi ào khai in tòm tŭ cau gơnrơh Yàng Jehôwa dê ơm ntào di gah.

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Yal Tơlik 19:14

Ală mpồl ling hơđang trồ soh ào bài che dơmài lơbơn, bò mơ goh, hào ơseh kò lòt jat Kơnràñ.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”

Rutơ 3:15

Khai kung đơs tai lah: “Cèng tĕ añ in ào jrùh ai soh, mơ đơng kơ̆.” Tòm tŭ Rutơ neh đơng gơ, gen Bôô tuh prau khiau kòi màc mơ ơn gơ hơđang ngkòi Rutơ. Gen Bôô rê mut tòm ƀòn dờng.