Esai 3:10 - Sră Goh 2018

¹⁰ Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Esai 3:10 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Đơs Crih 58:11

Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”

Lik Ejiptơ 1:20

Behơ̆, Yàng Tom Trồ gơwèt niam mơ ală cau ùr đơng deh; làng bol gơbơtơl oă mơ ntum khà gơlik gơs dờng rlau tai.

Jơnau Pơnđik 10:6

Bơta ai lơngai mù hơđang bồ cau song ring; Mơya bơr cau iơh bơsak pồn ndơp bơta rhung rhang.

Jơnau Pơnđik 12:14

Bơh cồng nha bơr sơndồi cau dê geh bềng ală phan niam; Mơ cau lơh broă bòl glar geh jền tơngai gơ dê.

Jơnau Pơnđik 13:21

Bơta rung rài ting jat cau gơs glài; Ai bơta lơngai lơngò la phan ƀàn cau song ring dê.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Cau Bơto 8:12

Bulah cau glài lơh iơh dô rhiang dơ̆ gam geh kis jŏ; bulah behơ̆, añ git lah cau duh rngòt di đap Yàng Tom Trồ, lồi dut rơp geh lơngai, tài bơh bol khai ntào tòm bơta duh rngòt di đap Yàng Tom Trồ.

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Jeremi 15:11

Yàng Jehôwa đơs: “Ngan Añ rơp dong tă mê, Tài bơh tơnggume broă niam. Ngan Añ rơp lơh cau sò tơm rac dan mơ mê Tòm tŭ rung rài chơt roh.

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 22:15

Mê la bơtau Tài bơh gơs oă chi pơnàng ơ? Ò di bèp mê neh sa neh hùc, Lơh broă song ring, song ngan Gen tàng gơlik niam khai in.

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Mice 7:13

Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Luka 19:19

Cau tòm đơs lah: ‘Mê kung gơs gơnoar at bồ pram nơm ƀòn dờng.’

Yal Wơl 12:25

Bañ sa gơ tồ ală bơta rơp gơlik niam bol mê in mơ ală kòn sau tus tơnơ̆ mơ bol mê, tài bơh bol mê pal lơh bơta di ngan di đap mat Yàng Jehôwa.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.