Esai 27:9 - Sră Goh 2018

⁹ Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 27:9 ပူးပေါင်းရင်းမြစ်များ

II Ală Bơtau 10:26

Bol khai tă tơlik jơh ală phan duh khoai bơh hìu duh khoai mơ chu jơh,

II Ală Bơtau 23:14

Khai pòng bơcah rpot rpet ală jrong duh khoai, sòr tơrlah ală rùp ràk Asera, mơ rsìh ală ntìng ƀồc bềng hơđang hơ̆.

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

II Yal Yau 14:5

Khai kung tă sang ală tiah jơnhoa duh khoai mơ ală cơnòng chu kơlhô tòm ală ƀòn dờng Juda dê, mơ lơgar geh ring lơngai hơđơm gơnoar at bồ khai dê.

II Yal Yau 34:4

Di đap mat bơtau bol khai sòr tơrlah ală cơnòng duh khoai ală Baal dê; khai koh rpot rpet cơnòng chu kơlhô ơm hơđang bol gơ, mơ jan bơcah ală jrong duh khoai Asera, ală rùp ràk mơ ală rùp duh khoai. Khai jan bơcah jơh ală phan hơ̆ mơ rsìh hơđang ală bơtô ƀồc ală cau neh ơn phan duh khoai bol gơ.

II Yal Yau 36:19

Bol khai ai ồs chu hìu duh khoai Yàng Tom Trồ dê mơ lơh tơrlah dơrñang ƀòn dờng Jerusalem dê; chu jơh ală gơlang bơtau mơ tơnroh jơh ală phan kas màng.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Lik Ejiptơ 34:13

Phà tơrlah tĕ ală cơnòng duh khoai bol khai dê, pòng bơcah tĕ ală lŭ bol khai duh khoai, mơ koh tĕ ală jrong Asera.

Jơnau Pơnđik 20:30

Ală bơta sồt rmàñ mơ tềl sồt lơh goh bơta iơh, mơ gai mơng mut jrô tòm tiah ndơp ndơr nùs dê.

Esai 1:29

Đah mơ ai rơp kong ƀàssìl bơh ală tòm cha mơ ai lơh gơs tiah duh khoai, mơ la tiah ai kòñ gơboh; Ai rơp kong ƀàssìl ƀàsso tài bơh ală suơn mơ ai neh sac rwah.

Esai 17:8

Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Esai 30:22

Gen bol mê rơp lơh ƀơ̆ ƀơl ală rùp ràk ƀềp mơ priă mơ ală rùp duh khoai ƀềp màh bol mê dê; bol mê rơp sơrbì gơ kung be sang phan ƀơ̆ ƀơl mơ đơs mơ gơ lah: “Lik tĕ bơh do!”

Esai 4:4

Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 48:10

Do, Añ neh tŏ tiar bol mê, mơya ò di be tŏ tiar priă; Añ neh lòng bol mê tòm bơnhă ồs bơta rung rài bòl glar.

Ejekiel 11:18

Tòm tŭ bol khai rơp rê wơl tềng hơ̆, bol khai rơp tă sang jơh ală rùp duh khoai iơh rmơh mơ ală rùp ràk cù kìr.

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Ejekiel 6:4

Ală cơnòng duh khoai bol mê dê rơp kong tơrlah tơrlơm, ală cơnòng chu kơlhô bol mê dê rơp kong pòng bơcah lề; Añ rơp sreh tơnchơt bol mê di đap ală rùp ràk bol mê dê.

Daniel 11:35

Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Mice 5:11

Añ rơp tơnroh ală ƀòn dờng tòm lơgar bol mê dê, mơ phà tơrlah ală theng kơ̆ cê bol mê dê.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Rôma 11:27

“Hơ̆ la jơnau ho bal Añ rơp bơtào mơ bol khai, Tòm tŭ Añ tă sang tồi glài bol khai dê.”

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

Yal Wơl 12:3

Pòng tơrlah ală cơnòng duh khoai bol khai dê, jan bơcah ală pơnai lŭ duh khoai bol khai dê, mơ chu tòm ồs ală jrong duh khoai Asera bol khai dê; koh sang ală rùp ràk ală yàng bol khai dê mơ jùt jơh ală sơnđan bol gơ dê bơh di ală tiah hơ̆.

Hebrơ 12:6

Bơh Kơnràñ lơh glài tơmàl di cau lơi Kơnràñ kòñ gơboh, Cau lơi Kơnràñ dòp la kòn gen ai gai ai mơng.”