Esai 27:7 - Sră Goh 2018

⁷ Yàng Jehôwa neh lơh bol khai kung be Kơnràñ lơh ală cau neh lơh di khai sơl ơ? Hala bol khai neh kong tơnchơt kung be ală cau tơnchơt bol khai neh kong tơnchơt sơl ơ?

Esai 27:7 ပူးပေါင်းရင်းမြစ်များ

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Esai 10:17

Bơta àng Israel dê rơp gơlik gơs dô nơm ồs, mơ Bơtau Sàng Goh khai dê be lơmpiat ồs, tòm dô ngai gơ rơp chu pơrguc ală tòm lò mơ lò mrơt khai dê.

Esai 17:14

Tòm trồ mho, nisơna gơs bơta rngòt rngơt! Lài mơ tŭ rìng àng drim, bol khai neh ò gam tai! Hơ̆ la pơnah ală cau phà kơñau bol he, la pơnah lơh nền lòi ală cau tòmpìt sơmbrơt bol he.

Esai 17:3

Tiah kơp gàr kơ̆ cê rơp roh thit bơh di Epraim, mơ lơgar bơtau ò gam tai, bơh di Damas; làng bol gam wơl Aram dê rơp kung be bơta gơklŏ kòn sau Israel dê,” Yàng Jehôwa Gơnap Gơnoar Dờng đơs behơ̆.

Esai 30:31

Sap đơs Yàng Jehôwa dê rơp lơh Asiri in rngòt rngơt; Kơnràñ rơp ai gai Kơnràñ dê mơ pù lơh Asiri;

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

Jeremi 50:40

Yàng Jehôwa đơs: “Be tòm tŭ Yàng Tom Trồ sơrbì Sôdôm mơ Gômôrơ mơ ală ƀòn cau ơm rềp mơ bol khai, behơ̆ rơp ò gơs dô nă cau rơp ơm tềng hơ̆, hala ò gơs dô nă kòn mơnus lơi tus ơm tềng hơ̆.

Jeremi 51:24

“Mơya di đap bol mê, Añ rơp tơm wơl Babilôn mơ jơh làng bol Kalde in bơh jơh ală bơta iơh mơ bol khai neh lơh tòm Siôn,” Yàng Jehôwa đơs behơ̆.

Nahum 1:14

Yàng Jehôwa neh ai dô jơnau sồr tus hơ mê; “Sơnđan mê dê rơp ò gam sùm sùm. Añ rơp tơnroh ală rùp pac sềr mơ ală rùp tŏ bơh di hìu ală yàng mê dê. Añ rơp lơh bơtô ƀồc mê in bơh mê la ò di pal.”

Nahum 3:19

Ò gơs sơnơm lơi rgơi sơm tềl sồt mê dê, tềl sồt mê dê rơp lơh mê in chơt. Kòp nă cau lơi kơno jơnau yal bơh mê gen tàp tê khai dê bơh mê, bơh ñcau rgơi pleh klàs bơh bơta iơh bơsak ò git lồi mê dê taih?