Esai 27:1 - Sră Goh 2018

¹ Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Esai 27:1 ပူးပေါင်းရင်းမြစ်များ

Sră Jop 26:13

Bơh càl Kơnràñ dê ală tap trồ gơlik hàng mơnĕ; Tê Kơnràñ srơp bluh bơs ntoat dô.

Sră Jop 3:8

Lòi ală cau jak srat rma, srat rma ngai hơ̆, Mơ ală cau chài rgơi pơrlai Lebiathan

Sră Jop 40:19

Gơs cau lơi rgơi ngui kai kwĕ mơ lòs mơ kup gơ, Hala pơt dă mơ geh gơ mơ cuh muh gơ sơl?

Sră Jop 41:1

Ò gơs cau lơi khin bơrcek gơ; Behơ̆ gen ñcau rgơi ntào jai di đap Añ taih?

Đơs Crih 104:26

Tềng hơ̆ gơs ală ơhò lòt rê, Kung gơs Lebiathan mơ Yàng neh mòn gơs nàng lòi kơnhơl tềng hơ̆.

Đơs Crih 45:3

Ơ bơtau pràn kơldang, dan kơt đào di but, Tòm bơta gơklŏ mơ bơta ryŭ ryơm.

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Esai 51:9

Kah rngal tĕ, kah rngal tĕ! Soh tĕ bơta pràn kơldang! Ơ tơwòr tê Yàng Jehôwa dê! Kah rngal tĕ kung be tòm ală ngai neh yau, be tòm ală rài neh jŏ jòng rau! Hơ̆ ò di Kơnràñ la Bơtau neh koh Rahap rpot rpet, neh srơp bluh nagrài hơ̆ ò ơ?

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Esai 65:25

So rhau mơ belàt kòn rơp sa bal, klìu triă rơp sa rhe kung be kơnrồ, mơya bơs rơp sa ù. Bol khai rơp ò kong cau lơh jê sồt hala tơnroh, tòm jơh mơnơm sàng goh Añ jê,” Yàng Jehôwa đơs behơ̆.

Esai 66:16

Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Jeremi 47:6

Ơ đào Yàng Jehôwa dê, Gam nđò jŏ tai sồng mê rlô taih? Ơn să mê wơl tòm sơmprồm mê dê, Rlô tĕ, ơm mŏ mŏ tĕ.

Jeremi 51:13

Ơ ƀòn ơm di gah hiòng dờng, Pas sơm bơh gơs phan mơna Bơta lồi dut mê dê neh tus, tơngai kis mê dê neh gơkòl koh!

Jeremi 51:34

“Nebukatnessar, bơtau Babilôn, neh loan añ, Khai neh tơnlề añ; Khai neh lơh bol hi gơlik gri soh gòi; Khai neh loan bol hi be dô nơm bơs dờng; Khai lơh hòm kơndul khai mơ phan bơkah bol hi dê; Khai bơtrơh tơlik bol hi.”

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Amôs 9:3

Bulah bol khai pồn să bol khai dê hơđang bồ mơnơm Karmel, tềng hơ̆ Añ rơp jòi bàn mơ kup bol khai, mơ bulah bol khai pồn bơh di đap mat añ tòm kơnàng dàlềng, tềng hơ̆ Añ rơp sồr bơs dờng tòm dàlềng mơ gơ rơp kap bol khai.

Yal Tơlik 12:3

Hơđang trồ kung gơlik gơs dô nơm tềl krơi ndai tai sơl: Ne, dô nơm nagrài dờng, să pơrhê, poh nơm bồ, jơt nơm ngke, ală bồ gơ ndau poh nơm sơgơn bơtau.

Yal Tơlik 13:11

Añ gŏ tai dô nơm phan poan jơng ndai guh bơh tòm ù, gơ gơs bàr nơm ngke kung be belàt kòn, mơ gơ đơs be nagrài.

Yal Tơlik 13:4

Bol khai duh khoai nagrài, tài bơh gơ neh ai phan poan jơng in gơnoar gơ dê; mơ bol khai kung duh khoai phan poan jơng hơ̆ sơl mơ đơs: “Ñcau ndròm be phan poan jơng taih? Ñcau rgơi tòmlơh mơ gơ taih?”

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 17:1

Gen dô nă tòm poh nă cau gơnrơh neh at poh nơm mơngàn tus đơs mơ añ lah: “Tus hơ do, añ rơp sơnio mê in bơta lơh glài cau ùr dri tơlàr dờng, khai ơm nggui hơđang ală dà.

Yal Tơlik 17:15

Cau gơnrơh đơs tai mơ añ lah: “Ală dà mơ mê neh gŏ, gơs cau ùr dri tơlàr nggui hơđang, hơ̆ la ală làng bol, ală mpồl bơnòr oă, ală lơgar mơ ală jơnau đơs.

Yal Tơlik 19:21

Ală cau gam wơl gen kong sreh chơt mơ đào lik bơh di bơr Bơtau hào ơseh, mơ jơh ală sềm geh sa hòm mơ poac bol khai dê.

Yal Tơlik 2:16

Behơ̆, gơjrañ sang glài tĕ; dilah ò behơ̆, Añ rơp tus mhar hơ mê, ai đào bơh di bơr Añ nàng tòmlơh mơ bol khai.’

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.