Esai 26:6 - Sră Goh 2018

⁶ Ală jơng jă trơm gơ, ală mpàng jơng ală cau rƀah lơòi dê, ală cơnđòa cau siơ̆u siar dê.

Esai 26:6 ပူးပေါင်းရင်းမြစ်များ

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.

Jôsue 10:24

Tòm tŭ cau lam pram nă bơtau hơ̆ tus hơ Jôsue, gen Jôsue hòi pơjum jơh ală cau Israel mơ đơs mơ ală cau kwang at bồ ling neh lòt bal mơ khai lah: “Tus tĕ hơ do mơ jă jơng bol mê dê di ngko ală cau bơtau do.” Gen bol khai tus hơđap mơ jă jơng di ngko ală cau bơtau hơ̆.

Yal Tơlik 2:26

Cau lơi geh pha lin rlau mơ lơh jat ală broă Añ jê jơl tus di lồi dut, gen Añ rơp ai khai in gơnoar at bồ ală làng bol.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Kôrintô 1:26

Ơ oh mi, sền sơwì tĕ bơta hòi sac oh mi dê, ò gơs oă cau tòm oh mi la jak chài jat sơnoa rnoas kòn mơnus dê, ò gơs oă cau gơs gơnoar pràn, ò gơs oă cau dờng màng.

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Jeremi 50:45

Behơ̆ iat tĕ bơta rơndap Yàng Jehôwa neh rcang tòmdră mơ Babilôn, mơ tơnggume broă Kơnràñ neh bơtào tòmdră mơ lơgar cau Kalde. Ngan, ală kòn dềt tòm mpồl bol khai neh kong hwài lòt, ƀlàng ñhơt bol khai dê gơlik gơs tiah ngềt ngơt!

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Esai 37:25

Añ neh tò ală tơrlung mơ neh hùc dà. Añ neh lơh rañ rsơh mơ kơndòl jơng añ jê, jơh ală croh dà Ejiptơ dê.”

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 3:15

Bol mê ò di jă trơm làng bol Añ jê, mơ tơnlề muh mat cau rƀah rƀừp dê.” Añ, Yàng Jehôwa Gơnap Gơnoar Dờng Làm Jơh đơs behơ̆.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 11:4

mơya Kơnràñ ai bơta song ring nàng cahrña cau rƀah, mơ lơh nền dô bă song ring cau lơbơn niam in hơđang ù. Kơnràñ rơp pù lơh plai ù mơ dô nơm gai bơh di bơr Kơnràñ; mơ ai nhơm tă bơh sơndồi Kơnràñ mơ tơnchơt cau iơh bơsak.

Esai 28:3

Sơgơn dơwàng bơkào jòng să ală cau bơñul ñô Epraim dê, rơp kòl jă lề hơđơm mpàng jơng.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

II Ală Bơtau 9:33

Khai đơs lah: “Sơrbì tĕ khai di tiah.” Behơ̆ bol hơ̆ sơrbì khai tòm tiah, mhàm khai gơđat hơđang dơrñang mơ di ơseh, mơ gơ jă hơđang khai tơn.