Esai 26:4 - Sră Goh 2018

⁴ Dòn kơnòm tĕ di Yàng Jehôwa jơl sùm sùm, bơh tòm Yàng Jehôwa, să tòm Yàng Jehôwa la Pơnai Lŭ Klềr gam sùm sùm dê.

Esai 26:4 ပူးပေါင်းရင်းမြစ်များ

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

II Yal Yau 32:8

Ơm bal mơ khai mìng la dô nơm tơwòr tê poac să lơm, mơya bol he gơs Jehôwa Yàng Tom Trồ bol he dê ơm bal mơ bol he nàng dong kòl mơ tòmlơh bol he in.” Mơ làng bol geh nùs dòn kơnòm di ală jơnau Ejekia bơtau Juda neh đơs.

Sră Jop 9:19

Dilah đơs bơh bơta pràn gen Kơnràñ la Bơtau gơs gơnoar pràn. Dilah đơs bơh bơta song ring gen ñcau rgơi yă Kơnràñ taih?

Đơs Crih 125:1

Cau lơi dòn kơnòm di Yàng Jehôwa, gen be mơnơm Siôn ò lơnggơr mơya gam gơs sùm sùm.

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Đơs Crih 55:22

Jào tĕ bơta àñ kơnjơ̆ mê dê Yàng Jehôwa in, Kơnràñ rơp yò đo mê; Kơnràñ ò gơs tŭ lơi lòi cau song ring kong wañ lơnggơh.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Đơs Crih 66:7

Yàng ngui gơnoar pràn Kơnràñ dê mơ at bồ sùm sùm, Mat Yàng sền sơwì ală làng bol; Ală cau tòmdră bañ jòng să he. (Selah)

Đơs Crih 93:1

Yàng Jehôwa la Bơtau at bồ; Kơnràñ soh bơta ryŭ ryơm be ào; Yàng Jehôwa soh mơ kơt but mơ bơta pràn kơldang. Dunnia geh bơtào kơ̆, mơ rơp ò gơs tŭ lơi wañ lơnggơh.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 30:29

Bol mê rơp đơs chò kung be tòm mang gơs bơta pơjum sa ngai wèr sàng goh; nùs bol mê rơp gơs bơta hòn chò kung be cau uh kơwào, mơ guh hơđang mơnơm Yàng Jehôwa dê la Pơnai Lŭ Klềr Israel dê.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 45:24

Bol khai rơp đơs bơh Añ lah: “Bơta song ring mơ bơta pràn kơldang mìng ơm tòm Yàng Jehôwa lơm.” Jơh ală cau gơhào gơjrañ tòmdră mơ Kơnràñ rơp lòt tus mơ Kơnràñ mơ kong bơta ƀàssìl ƀàsso.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 51:5

Añ rơp cèng bơta dong tă Añ jê tus rềp mhar ngan; bơta dong klàs Añ jê neh lik lòt rau; mơ tơwòr tê Añ jê rơp at bồ hơđang ală làng bol; ală bồt pơlào kơp gơn Añ mơ bol khai gơn kơnòm di tơwòr tê Añ jê.

Esai 63:1

Cau do la ñcau mơ tus bơh Edôm, bơh Bôjra, soh ào ñòm dà pơrhê taih? Cau do la ñcau mơ soh ào jrùh ryŭ ryơm, ai gơnoar pràn dờng khai dê mơ cơnđòa khin cha taih? “Hơ̆ la să tòm Añ, la Bơtau đơs bơta song ring, gơs gơnoar pràn nàng dong klàs.”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Wơl 33:27

Yàng Tom Trồ gam kis sùm sùm la tiah kìng crŭ mê dê, mơ hơđơm tiah hơ̆ gơs ală tơwòr tê gam sùm sùm. Kơnràñ rơp ting bơtrơh cau sò tơm mê dê bơh di đap mê, mơ đơs lah: ‘Tơnroh tĕ khai!’

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.