Esai 26:3 - Sră Goh 2018

³ Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Esai 26:3 ပူးပေါင်းရင်းမြစ်များ

I Yal Yau 5:20

Mơ tòm tŭ bol khai geh dòp bơta dong kòl nàng tòmdră mơ ală cau sò tơm, bol khai hòi dan mơ Yàng Tom Trồ tòm bơta tòmlơh; gen Kơnràñ jào cau Hagrit bal mơ mpồl lòt bal mơ bol hơ̆ tòm tê bol khai dê, mơ Kơnràñ ai bol khai in bơta pha lin, tài bơh bol khai dòn kơnòm di Kơnràñ.

II Yal Yau 13:18

Behơ̆ cau Juda neh geh pha lin rlau mơ cau Israel tòm bơta tòmlơh hơ̆, tài bơh bol khai gơn kơnòm di Jehôwa Yàng Tom Trồ ală ồng pàng bol khai dê.

II Yal Yau 16:8

Ală cau Kus mơ cau Libi ò di la dô mpồl ling dờng bal mơ oă rơndeh lòs tòmlơh mơ cau ling hào ơseh ò ơ? Bulah behơ̆, tòm tŭ bơtau dòn kơnòm di Yàng Jehôwa, Kơnràñ neh jào bol khai tòm tê bơtau.

Đơs Crih 119:165

Cau lơi kòñ gơboh di bơta boh lam Yàng dê gen geh lơngap lơngai dờng ngan, Ò gơs bơta lơi lơh bol khai in gơtup tìs.

Đơs Crih 125:1

Cau lơi dòn kơnòm di Yàng Jehôwa, gen be mơnơm Siôn ò lơnggơr mơya gam gơs sùm sùm.

Đơs Crih 9:10

Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 26:12

Ơ Yàng Jehôwa, Kơnràñ rơndap nền bơta ring lơngai bol hi in; jơh ală broă bol hi lơh gơs, Kơnràñ neh lơh bol hi in.

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 32:18

Làng bol Añ jê rơp kis tòm tiah ring lơngai, ơm tòm tiah lơngap lơngai, mơ tòm tiah ơm rlô ring ngềt.

Esai 42:19

Ñcau la cau jơngo, mơya la cau duh broă Añ jê, mơ cau tĭ tồr kung be cau kong sồr mơ Añ neh sồr lòt taih? Ñcau la jơngo kung be cau ơn să Añ in, hala cau jơngo kung be cau duh broă Yàng Jehôwa dê taih?

Esai 42:6

“Añ, Yàng Jehôwa, neh hòi sac mê tòm bơta song ring; Añ rơp at tê mê mơ Añ rơp sền gàr mê mơ ai mê in gơlik gơs dô bơta ho bal làng bol in, mơ dô bơta àng làng bol bơdìh in,

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 49:8

Yàng Jehôwa đơs be do: “Tòm dô tŭ Añ niam nùs, Añ neh ho wơl mê in, mơ tòm ngai dong klàs Añ neh dong kòl mê; Añ rơp sền gàr mê mơ ai mê in be dô bơta ho bal làng bol in, nàng bơt bơtào wơl lơgar, mơ tòmpà pơnah sre brê neh lòi srau gòi gơ dê,

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 66:12

Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Jeremi 39:18

Bơh Añ ngan rơp dong klàs mê, mê rơp ò gơpừ hơđơm lơmpiat đào; mê rơp geh lik klàs bơh bơta chơt be phan dòp geh bơh bơta tòmlơh, bơh mê neh ơn nùs dòn kơnòm di Añ,’ Yàng Jehôwa đơs behơ̆.”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 6:23

Gen bơtau hòn chò ngan, mơ sồr cèng tơngguh Daniel bơh di wàng klìu. Behơ̆, Daniel geh cèng tơngguh bơh di wàng, mơ cau ò gŏ dô nơm tềl sồt lơi di khai, tài bơh khai neh dòn kơnòm di Yàng Tom Trồ khai dê.

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Philip 4:7

Gen bơta lơngap lơngai Yàng Tom Trồ dê, la bơta jòng rlau jơh ală bơta git wă, rơp sền gàr nùs mơ bơta kơlôi sơnơng oh mi dê tòm Yàng Krist Jesu.