Esai 26:2 - Sră Goh 2018

² Pò tĕ ală mpồng ƀòn dờng nàng làng bol song ring la làng bol prap gàr bơta dòn rgơi mut tềng hơ̆.

Esai 26:2 ပူးပေါင်းရင်းမြစ်များ

Đơs Crih 106:5

Tồ añ in gŏ bơta bơtoah bơtoài cau sac rwah Kơnràñ dê, Hòn chò tòm bơta chò hòp làng bol Kơnràñ dê. Nàng añ jòng ro Yàng bal mơ sre brê Kơnràñ dê.

Đơs Crih 118:19

Pò tĕ añ in ală mpồng song ring, Tồ añ in rơp mut nàng ưnngài Yàng Jehôwa.

Đơs Crih 118:20

Do la mpồng Yàng Jehôwa dê; Ală cau song ring rơp mut tềng hơ̆.

Đơs Crih 24:7

Ơ ală mpồng, pò tĕ bồ hơđang, Ơ ală mpồng rài yut rài yau, pò tĕ hơđang! Gen Bơtau gơklŏ rơp mut.

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Esai 58:8

Gen bơta àng bol mê dê rơp pơnđàng sòl kung be rìng àng drim, mơ ală tềl sồt bol mê dê rơp geh sơmbòi mhar; gen cau dong tò bol mê dê rơp lòt di đap bol mê, mơ bơta gơklŏ Yàng Jehôwa dê rơp ê gàr đah ngkòi bol mê.

Esai 60:11

Ală mpồng dờng mê dê rơp pò sùm, ngai mơ mang bol gơ rơp ò tŭ lơi til, nàng ală lơgar rơp cèng tus hơ mê bơta pas gơs bol khai dê; mơ ală bơtau bol khai dê lam lòt tòm dô mpồl gơs oă cau lòt jat.

Esai 60:18

Bơta jàñ bơsak rơp ò gam kơno tai tòm lơgar mê dê, mơ bơta phà tơrlah hala bơta tơnroh kung rơp ò tai gơlik tus tòm nhàr lơgar mê dê, mơya mê rơp sơnđan ală dơrñang mê dê la “Bơta Dong Klàs” mơ ală mpồng dờng mê dê la “Bơta Jòng Ro.”

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 62:1

Tài bơh Siôn Añ rơp ò ơm mŏ mŏ, tài bơh Jerusalem Añ rơp ò ơm rlô, jơl tus di tŭ bơta dong tò gơ dê sòl pơnđàng be tòm tŭ àng drim, mơ bơta dong klàs gơ dê be dô nơm sơmpòl ồs.

Esai 62:10

Lòt gan tĕ, lòt gan tĕ ală mpồng ƀòn! Rcang tĕ gùng lòt làng bol in. Bơt tĕ, bơt tĕ gùng me! Wàs goh tĕ ală pơnai lŭ. Bơtào tĕ dô nơm bồng bi ală làng bol in.

Esai 62:2

Ală lơgar rơp gŏ bơta song ring ai dê, mơ jơh ală cau bơtau rơp gŏ bơta gơklŏ ai dê, mơ ai rơp geh hòi mơ sơnđan pa, la sơnđan geh tơmoh ai in bơh bơr Yàng Jehôwa.

Sacari 8:20

Yàng Jehôwa Gơnap Gơnoar Dờng Làm Jơh đơs be do: “Oă làng bol mơ oă cau tòm ală ƀòn dờng rơp tus,

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

II Pier 3:13

Mơya jat be jơnau ho pơgon Kơnràñ dê, bol he kơp gơn trồ pa tiah pa, la tiah bơta song ring ơm.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

Yal Tơlik 21:24

Ală làng bol rơp lòt rê tòm bơta àng ƀòn dê, mơ ală cau bơtau hơđang plai ù rơp cèng bơta gơklŏ bol khai dê tơmut tòm hơ̆.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,