Esai 26:1 - Sră Goh 2018

¹ Tòm ngai hơ̆, bơta đơs chò do rơp geh đơs tòm ù tiah Juda dê: “Bol he gơs ƀòn dờng pràn kơldang; Kơnràñ bơtào bơta pha lin be ală dơrñang mơ ală dơrñang ƀòn dờng dê.

Esai 26:1 ပူးပေါင်းရင်းမြစ်များ

Ejra 3:11

Bol khai đơs chò tòmho bal jòng ro mơ ưnngài Yàng Jehôwa lah: “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm gơwèt mơ Israel.” Mơ jơh làng bol tòmho wơl mơ jơnau driau dờng jòng ro Yàng Jehôwa; tài bơh mơnàng hìu Yàng Jehôwa dê neh bơt bơtào.

Đơs Crih 31:21

Pal jòng ro Yàng Jehôwa, Bơh Kơnràñ neh yal tơlik añ in bơta kòñ gơboh kơ̆ dơn Kơnràñ dê. Tòm tŭ añ kòl yan kung be dô nơm ƀòn dờng gơkòl gơrwàng.

Đơs Crih 48:12

Lòt tĕ gùt dar Siôn, lòt tĕ gùt dar gơ, Kòp tĕ ală theng jơnhoa gơ dê,

Đơs Crih 48:4

Gen ală cau bơtau pơjum bal, mơ bol khai lòt tus.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 14:31

Ơ mpồng ƀòn, ñìm rac tĕ! Ơ ƀòn dờng, nggà driau tĕ! Ơ jơh tơl nă cau Philistin, lề lac tĕ! Bơh ñhŭ tus bơh đah đang, mơ ò gơs dô nă cau lơi sang lòi mpồl ling he dê.”

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:20

Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 31:5

Kung be sềm par srà hơđang bồ, behơ̆ Yàng Jehôwa Gơnap Gơnoar Dờng rơp sền gàr Jerusalem, Kơnràñ rơp cang kìng mơ dong tă gơ, Kơnràñ rơp prap lòi gơ mơ rơp dong tă gơ.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

Esai 33:5

Yàng Jehôwa geh yò tơngguh bơh Kơnràñ ơm hơđang tiah jơnhoa; Kơnràñ lơh bềng lìu Siôn mơ bơta song ngan mơ song ring.

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 5:1

Añ rơp đơs chò cau añ kòñ gơboh in dô bơta đơs chò bơh suơn ño khai dê: Cau añ kòñ gơboh neh gơs dô nơm suơn ño hơđang dòr ù bơkah tiah lơngồt.

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Esai 60:18

Bơta jàñ bơsak rơp ò gam kơno tai tòm lơgar mê dê, mơ bơta phà tơrlah hala bơta tơnroh kung rơp ò tai gơlik tus tòm nhàr lơgar mê dê, mơya mê rơp sơnđan ală dơrñang mê dê la “Bơta Dong Klàs” mơ ală mpồng dờng mê dê la “Bơta Jòng Ro.”

Esai 62:10

Lòt gan tĕ, lòt gan tĕ ală mpồng ƀòn! Rcang tĕ gùng lòt làng bol in. Bơt tĕ, bơt tĕ gùng me! Wàs goh tĕ ală pơnai lŭ. Bơtào tĕ dô nơm bồng bi ală làng bol in.

Esai 62:11

Yàng Jehôwa neh tơlik dô jơnau yal tus di ală tiah lồi plai ù lah: “Đơs tĕ mơ Kòn ùr Siôn lah: ‘Sền ne, Bơtau Dong Klàs ai dê tus! Sền ne, phan ƀàn Kơnràñ dê ơm mơ Kơnràñ, mơ phan tơm wơl Kơnràñ dê tus bal mơ Kơnràñ.’”

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Ejekiel 40:5

Añ gŏ dô nơm dơrñang gùt dar tiah bơt hìu duh khoai. Gai was khai at tòm tê la prau tal jòng, kòp tal jòng rlau mơ tal òs dô nđàm. Khai was dơrñang đah lơut la dô gai, mơ đah jơnhoa kung dô gai.

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”

Sacari 2:9

tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Khà Làng Bol 21:17

Gen Israel đơs chò bơta đơs chò do: “Ơ tơrlung dà, hòr lik tĕ! Đơs chò tĕ bơh gơ,

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.