Esai 24:3 - Sră Goh 2018

³ Jơh plai ù rơp gơkòl sang lòi srau gòi; mơ gơkòl tòmpìt sơmbrơt; bơh Yàng Jehôwa neh đơs jơnau do.

Esai 24:3 ပူးပေါင်းရင်းမြစ်များ

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Esai 21:17

Ală cau pañ àtak gam wơl cau Keđa dê mìng dô êt lơm.” Yàng Jehôwa la Yàng Tom Trồ Israel dê neh đơs behơ̆.

Esai 22:25

Yàng Jehôwa Gơnap Gơnoar Dờng đơs lah: “Tòm ngai hơ̆, jơrmơng neh pơng di tiah kơ̆ cê rơp sơntă mơ dùh di tiah, mơ ală phan kơnjơ̆ yồng hơđang hơ̆ rơp roh rui.” Bơh Yàng Jehôwa neh đơs behơ̆.

Esai 24:1

Tŭ do, Yàng Jehôwa rơp lơh plai ù in srau gòi, mơ lơh gơ in gơkòl sang lòi ngềt ngơt; Kơnràñ lơh plai ù in gơtòmgơl rùp să, mơ lơh làng bol ơm tòm gơ gơprah gơpring.

Esai 24:2

Tŭ hơ̆ jơh tơl nă cau rơp gơlik gơs ndròm bal, ală cau gơnoar ơn phan duh khoai kung be làng bol, cau klau tòm kung be cau klau duh broă, cau ùr tòm kung be cau ùr duh broă, cau tac kung be cau blơi, cau càn kung be cau ai càn, cau kòl dồs kung be cau tòm dồs.

Esai 24:4

Plai ù rơp rañ rsơh mơ ñòp ro; lơgar dunnia siar roh mơ ñòp ro; tap trồ mơ plai ù kung siar roh jơh.

Esai 42:22

Mơya do la dô nơm làng bol kong phà kong kơñau, jơh tơl nă bol khai yar dă dùh tòm trồm jrô, mơ pồn ndơp tòm ală hìu jàm. Bol khai gơlik gơs phan tòmpìt geh mơ ò gơs cau lơi dong tă; lơh gơs phan kup geh mơ ò gơs cau lơi đơs lah: “Lòi tĕ bol khai rê wơl.”

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 13:15

Kơno tĕ mơ ơn tồr iat, bañ pơnhừ să, Bơh Yàng Jehôwa neh đơs.

Ejekiel 36:4

gen tàng, ơ ală mơnơm Israel dê, iat tĕ jơnau Jehôwa Yàng Tom Trồ: ‘Jehôwa Yàng Tom Trồ đơs be do mơ ală mơnơm mơ ală dòr, mơ ală croh dà mơ ală thòng mơ ală tiah sang lòi ngềt ngơt, mơ ală ƀòn dờng ò gơs cau ơm, neh gơlik gơs phan phà kơñau mơ dơñŏ tơnhial jơh ală làng bol gam wơl gùt dar in.’

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Mice 4:4

Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

Yal Wơl 29:28

Tòm bơta gơjrañ dờng mơ gơhào khuh Kơnràñ dê, Yàng Jehôwa neh dus tă bol khai bơh di ù tiah bol khai dê mơ sang sơrbì bol khai tòm dô nơm lơgar ndai be neh gơs tòm ngai do.”