Esai 24:2 - Sră Goh 2018

² Tŭ hơ̆ jơh tơl nă cau rơp gơlik gơs ndròm bal, ală cau gơnoar ơn phan duh khoai kung be làng bol, cau klau tòm kung be cau klau duh broă, cau ùr tòm kung be cau ùr duh broă, cau tac kung be cau blơi, cau càn kung be cau ai càn, cau kòl dồs kung be cau tòm dồs.

Esai 24:2 ပူးပေါင်းရင်းမြစ်များ

Sơnròp Gơlik Gơs 41:50

Lài mơ tŭ tus di nam jơgloh rung, gen Asenat, kòn ùr Pôtiphera, cau gơnoar ơn phan duh khoai ƀòn Ôn dê, deh Jôsep in bàr nă kòn klau.

II Yal Yau 36:20

Khai cèng pơrdô hơ Babilôn ală cau neh klàs bơh đào, mơ bol khai gơlik gơs ală cau duh broă khai in mơ ală kòn klau khai in, jơl tus di tŭ lơgar Persia geh bơtào kơ̆.

Esai 2:9

Behơ̆ kòn mơnus rơp kong tơnliah; bañ toh glài bol khai, ơ Yàng!

Esai 24:3

Jơh plai ù rơp gơkòl sang lòi srau gòi; mơ gơkòl tòmpìt sơmbrơt; bơh Yàng Jehôwa neh đơs jơnau do.

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Esai 5:15

Behơ̆ kòn mơnus rơp kong tơmù; jơh tơl nă rơp kong tơnliah, gar mat cau pơnhừ să rơp kong tơmù.

Jeremi 41:2

Ismael kòn klau Nethania, bal mơ jơt nă cau lòt bal mơ khai ñă ntào ai đào srơp Gedalia kòn klau Ahikam sau Saphan, tơnchơt khai la cau mơ bơtau Babilôn pồ bơtào lơh kwang at bồ tòm lơgar.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ñìm Rac 4:16

Să tòm Yàng Jehôwa neh lơh nrah nring bol khai, Kơnràñ ò wèt sền bol khai tai; ò gam gơs bơta ki ngàm di cau gơnoar ơn phan duh khoai, kung ò nđàc di ală cau kra sơl.

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Sră Ôse 4:9

Mơ gơ rơp gơlik gơs, làng bol be lơi gen cau gơnoar ơn phan duh khoai kung behơ̆ sơl. Añ rơp lơh glài bol khai bơh ală gùng dà bol khai dê, mơ tơm wơl bol khai in jat be ală broă bol khai neh lơh.