Esai 22:5 - Sră Goh 2018

⁵ Bơh Yàng Jehôwa la Yàng Tom Trồ Gơnap Gơnoar Dờng neh gơs dô ngai nggồr nggàc, jă trơm mơ sơlồng sơlàng tòm thòng bơta gơtơnggŏ, dô ngai nàng phà tơrlah ală dơrñang, hòi driau bơta dong kòl hơ ală mơnơm.

Esai 22:5 ပူးပေါင်းရင်းမြစ်များ

II Ală Bơtau 19:3

Bol khai đơs mơ Esai lah: “Ejekia đơs be do: ‘Ngai do la dô ngai bòl glar, dơñŏ tơnhial, òsơp òso; kòn oh nga neh tus di ngai deh, mơya ò tơl pràn nàng deh kòn.

II Ală Bơtau 25:10

Gen mpồl ling Kalde, la ală cau lòt bal mơ cau kwang sền gàr bơtau, phà tơrlah dơrñang gùt dar Jerusalem.

Este 3:15

Ală cau geh kong sồr lik lòt sơrbac sơrbang jat jơnau gơnoar sồr cau bơtau dê, mơ bơta lơh nền neh geh yal tơlik tòm Susa la ƀòn dờng bơtau dê. Cau bơtau mơ Haman nggui ñô tơrnòm, mơya ƀòn dờng Susa gen sơlồng sơlàng.

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 22:1

Jơnau đơs hwơr bơh thòng bơta gơtơnggŏ: Bơta lơi neh lơh mê in dơrcul, jơh tơl nă bol mê neh hào hơđang rkàng hìu taih?

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 37:3

Bol khai đơs mơ khai lah: “Bơtau Ejekia đơs be do: ‘Ngai do la dô ngai rung rài, lah pơrhơng, mơ ƀàssìl; kung be neh tus di tŭ deh kòn rau mơya ò tơl pràn nàng deh.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 63:3

“Mìng dô nă Añ lơm neh jă mpal pat tơrnòm; digùl ală làng bol ò gơs dô nă cau lơi bal mơ Añ. Tòm bơta gơjrañ Añ jê, Añ neh jă hơđang bol khai, mơ tòm bơta gơjrañ dờng Añ jê, Añ neh tơnlề bol khai hơđơm jơng Añ; mhàm bol khai gơđềt di ală ồi ào Añ, mơ Añ neh lơh jơh ală ồi ào Añ gơđềt mơ mhàm lơm.

Esai 63:6

Añ neh jă trơm ală làng bol tòm bơta gơjrañ Añ jê; neh tơnlề bol khai bơh bơta gơjrañ dờng Añ jê, mơ neh tuh tơlik mhàm bol khai dê hơđang ù.”

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Ñìm Rac 2:8

Yàng Jehôwa neh lơh nền phà tơnroh dơrñang kòn ùr Siôn dê; Kơnràñ neh dang che was, ò tă tê bơh bơta lơh tơnroh; Kơnràñ neh lơh theng kơ̆ cê mơ dơrñang ñìm rac, bol khai siar roh òsô ò soàn bal mơ gơp.

Ejekiel 7:7

Ơ làng bol ơm tòm lơgar, bơta rung rài neh tus hơđang bol mê. Tŭ neh tus, ngai neh rềp; gơs bơta rngòt rngơt, ò gŏ bơta chò hòp hơđang ală mơnơm.

Sră Ôse 10:8

Ală tiah jơnhoa tòm Aben, bơta tồi glài Israel dê rơp kong tơnroh, ală lò mơ rlau lò rơp hòn dờng hơđang ală cơnòng duh khoai bol khai dê. Bol khai rơp đơs mơ ală mơnơm lah: “Jơm gòm tĕ bol hi!” mơ đơs mơ ală dòr lah: “Dùh tĕ hơđang bol hi!”

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Sôphôni 1:15

Ngai hơ̆ rơp la ngai gơjrañ dờng, dô ngai rung rài mơ moat jrùng, dô ngai bòl glar mơ tơnroh, dô ngai klam jơngo mơ ò àng, dô ngai gơs mhwal jù mơ klam cik,

Mathiơ 24:16

tŭ hơ̆ cau lơi ơm tòm Jude dô tĕ hơđang mơnơm;

Luka 23:30

Tŭ hơ̆ cau rơp đơs mơ mơnơm lah: ‘Rlơm tĕ hơđang bol hi,’ đơs mơ dòr lah: ‘Bồr tĕ bol hi!’